Gangapur crime news family dispute: छत्रपती संभाजीनगर जिल्ह्यातील गंगापूर तालुक्यात माणुसकीला काळिमा फासणारी धक्कादायक घटना समोर आली आहे. भालगाव शिवारात कौटुंबिक वादाच्या पार्श्वभूमीवर सासरच्या मंडळींनी ७० वर्षीय वृद्धाला विवस्त्र करून लोखंडी रॉडने बेदम मारहाण केली.
एवढ्यावरच न थांबता आरोपींनी ज्वलनशील पदार्थ टाकून घर आणि शेतातील सुमारे २५० क्विंटल कांद्याला आग लावली. या आगीत घरातील रोख रक्कम, अन्नधान्य आणि संसारोपयोगी साहित्य जळून खाक झाले. या प्रकरणी ९ जणांविरुद्ध गुन्हा दाखल करण्यात आला असून पोलिसांकडून पुढील तपास सुरू आहे.
