Chhatrapati Sambhajinagar couple struck by lightning under tree
सिल्लोड : पावसापासून बचाव करण्यासाठी झाडाच्या आश्रयाला थांबलेल्या पती-पत्नीचा वीज पडून मृत्यू झाला. ही घटना गुरुवारी दुपारी तालुक्यातील दहिगाव शिवारात घडली.
मनोहर भिवसन दुधे (वय ६०), पर्वताबाई मनोहर दुधे (वय ५७, रा. दहिगाव, ता. सिल्लोड) असे मृत पती- पत्नीचे नाव आहे.
गुरुवारी दुपारी तालुक्यात महिनाभराच्या खंडानंतर काही भागात मेघगर्जनेसह पावसाने हजेरी लावली. दहिगाव शिवारातही पावसाने हजेरी लावल्याने शेतात गेलेल्या मृत पती-पत्नी यांनी झाडाचा आश्रय घेतला.
या दरम्यान वीज पडली व पती- पत्नीचा मृत्यू झाला. माहिती मिळताच शेजारील नागरिकांनी त्यांना सिल्लोड उपजिल्हा रुग्णालयात आणले. या घटनेने गावावर शोककळा पसरली असून रुग्णालयात नातेवाईकांनी मोठी गर्दी केली.
