A persistent thief who robbed railway passengers of their jewellery is caught by the police
छत्रपती संभाजीनगर, पुढारी वृत्तसेवा
नांदेडहून हडपसरकडे प्रवास करणाऱ्या ६८ वर्षीय महिलेच्या गळ्यातील सोन्याचे गंठण धावत्या नांदेड-पुणे एक्स्प्रेसमधून हिसकावणारया अट्टल गुन्हेगारास लोहमार्ग - स्थानिक गुन्हे शाखेने मालधक्का परिसरात बेड्या ठोकल्या. आर्यन हरी जाधव (३२, रा. राजनगर, रेल्वे स्टेशन परिसर) असे त्याचे नाव असून, त्याच्याकडून सुमारे ३ लाख - रुपयांचे सोन्याचे गंठण जप्त करण्यात आले आहे.
वैजयंतीमाला सीतावार (६८, रा. पूर्णा रोड, वाडी) ३ मार्च रोजी कुटुंबासह नांदेडहून - हडपसरकडे प्रवास करत होत्या. नांदेड-पुणे - एक्स्प्रेसच्या एस-५ कोचमधून एका चोरट्याने खिडकीतून त्यांच्या गळ्यातील - सुमारे ४३ हजार ७०० रुपये किमतीचे सोन्याचे गंठण तोडून पळ काढला. या प्रकरणी छत्रपती संभाजीनगरच्या लोहमार्ग - पोलिस ठाण्यात गुन्हा दाखल करण्यात आला होता.
मालधक्क्यांवर ठोकल्या बेड्या
गुन्ह्याचा तपास करताना लोहमार्ग पोलिस स्थानिक गुन्हे शाखेने सीसीटीव्ही - फुटेज आधारे आर्यन जाधव हा मालधक्का परिसरात असल्याचे समजले. त्यानुसार पोलिसांनी सापळा रचून आर्यनला बेड्या ठोकल्या.
चौकशीत त्याने गुन्ह्याची कबुली दिली. त्याच्याकडून सुमारे ३ लाख रुपये किमतीचे सोन्याचे गंठण जप्त करण्यात आले. ही कारवाई लोहमार्गाच्या अधीक्षक स्वाती भोर व उपअधीक्षक संजय लोहकरे यांच्या मार्गदर्शनाखाली स्थानिक गुन्हे शाखेचे सहायक निरीक्षक प्रशांत गंभीरराव, राहुल गायकवाड, प्रमोद जाधव, गजानन चिलकेवार, विक्की हरने तसेच आरपीएफ सीआयबीचे आरक्षक दयानंद सविता आदींनी केली.
