8.25 Crore Rupees for Various Schemes Deposited into Beneficiaries' Accounts
सिल्लोड, पुढारी वृत्तसेवा : तालुक्यातील महाराष्ट्र ग्रामीण रोजगार हमी योजनेंतर्गत विविध कामांचे ८ कोटी ३३ लाख रुपयांचा निधी ६६३ लाभार्थ्यांच्या खात्यावर जमा होण्यास सुरुवात झाली असल्याची माहिती पंचायत समितीच्या सभापती अनिता सुरेश बनकर यांनी दिली. तर उर्वरित - निधीसाठी पाठपुरावा सुरू असल्याचे त्यांनी सांगितले.
तालुक्यात महाराष्ट्र ग्रामीण रोजगार हमी योजनेंतर्गत वृक्ष लागवड, गाय गोठा, शेळी शेड, वैयक्तिक सिंचन विहीर अशा एकूण ६६३ लाभार्थ्यांचे थकीत ८ कोटी ३३ लाख रुपयांचा निधी लाभार्थ्यांच्या खात्यात जमा होते आहे. त्याच प्रमाणे १ हजार ३१९ घरकुलांचे जवळपास ४ कोटी ६१ लाखांचा मंजूर निधीही लाभार्थ्यांच्या खात्यावर प्राप्त झाला आहे.
सन २०२४- २५ मधील पूर्ण झालेल्या घरकुल लाभार्थ्यांना वाढीव ५९ हजार रुपयांचे अनुदान शासनाने मंजूर केलेले आहे. त्यापैकी प्रत्येकी ३५ हजार रुपये लाभार्थ्यांच्या खात्यात जमा होण्यास सुरुवात झाली असून उर्वरित १५ हजार रुपये सौरऊर्जा (सोलर) बसवल्यानंतर लाभार्थ्यांना अदा करण्यात येणार असल्याचेही त्यांनी सांगितले. वैयक्तिक सिंचन विहीर, गाय गोठे, वृक्ष लागवड, शेळी पालन अशा विविध योजनेचे उर्वरित थकीत निधीसाठी शासन दरबारी पाठपुरावा सुरू आहे. हा निधीही लवकर प्राप्त होईल, अशी माहिती अनिता बनकर यांनी दिली.
