August Festival 2025: ऑगस्ट महिन्यात तब्बल 13 सण- महोत्सव, वाचा यादी

जवळा बाजार (बीड) : अनिल पोरवाल

येत्या ऑगस्ट महिन्यात जवळपास १३ सणांची व विविध महोत्सवाची मेजवानी मिळणार आहे. ऑगस्ट महिन्यात श्रावण सुरू होणार आहे. श्रावण महिन्यात मोठ्याप्रमाणात भाविक राज्यातील नव्हे तर इतर राज्यातील धार्मिकस्थळी दर्शनासाठी जातात.

८ ऑगस्ट- नारळी पौर्णिमा हा सण राज्यातच नव्हे तर इतर राज्यात मोठ्याप्रमाणात साजरा करण्यात येत असतो.

९ ऑगस्ट- भाऊ बहीण सण रक्षाबंधन घरोघरी मोठ्याप्रमाणात साजरा करण्यात येतअसतो.

१४ ऑगस्ट- पतेती

१५ ऑगस्ट- स्वातंत्र्य दिन ठिकठिकाणी ध्वजारोहण व विविध संस्कृतीक कार्यक्रम आयोजित करण्यात येत असतात. याच दिवशी श्रीकृष्ण जन्मोत्सव देखील असून हा उत्सवही मोठ्या उत्साहात भाविक भक्त साजरा करतात.

१६ ऑगस्ट- गोपाल काला दहीहंडी - मोठ्याप्रमाणात साजरी करण्यात येत असते.

२२ ऑगस्ट - पोळा. बळीराजाचा सण. या दिवशी बैल जोडी सजावट करून मिरवणूक काढण्यातयेत असते बैलजोडी पुजा व पुरणपोळी नैवेद्य बैल जोडीस दाखवतात.

२६ ऑगस्ट- महिलांचा हरितालीका सण घरोघरी साजरा करण्यात येत असतो.

२७ ऑगस्ट - बालगोपाल पासून तरूण वर्ग महिला सर्व जण आतुरतेने वाट पाहत असतात त्या गणरायाचा आगमनाचा दिवस म्हणजे गणेश चतुर्थी. या दिवशी मोठ्या उत्साहात घरोघरी गणरायाची स्थापना करण्यात येत असते तर बालगणेश व सार्वजनिक गणेश मंडळीकडून गणेशोत्सव देशात मोठ्याप्रमाणात साजरा करण्यात येत असतो सलग दहा दिवस मोठ्या उत्साहात संपन्न होतो विविध संस्कृतीक व धार्मिक आणि विविध कलागुणास प्रोत्साहन देणारा स्पर्धा आणि मनोरंजन कार्यक्रम रेलचेल सलग दहा दिवस चालते.

२८ ऑगस्ट- ऋषिपंचमी व जैन समाज बांधवांचा पर्युषण पर्व सुरुवात होते सलग दहा दिवस मंदिरात पुजा अभिषेक आरती व विविध धार्मिक व सांस्कृतिक कार्यक्रम आयोजित करण्यात येत असतात.

३१ ऑगस्ट- रोजी ज्येष्ठ गौरी आगमन होणार असून घरोघरी ज्येष्ठ गौरीचे आगमन होते व पुजा आणि सलग तीन दिवस ज्येष्ठ गौरी सण साजरा होत असतो.