Godavari, Sindafana flood again
सुभाष मुळे गेवराई, पुढारी वृत्तसेवा: गेवराई तालुक्यातील गोदा व सिंदफना नद्यांच्या परिसरात आलेल्या महापुरामुळे जनजीवन विस्कळीत झाले आहे. विशेषतः राक्षसभुवनासह शहागड, राजापूर आणि आसपासच्या गावांमध्ये परिस्थिती गंभीर झाली आहे.
हिरापूर व खामगावच्या पश्चिमेकडून पूर्वेकडे वाहणाऱ्या या दोन्ही नद्यांमध्ये पाण्याची आवक प्रचंड वाढली आहे. वरुन सुरू असलेल्या मुसळधार पावसामुळे नदीपात्राची क्षमता संपून पाणी गावात घुसल्याने नागरिकांसह मृतात्म्यांच्या शेवटच्या प्रवासातही अडथळे निर्माण झाले आहेत.
राक्षसभुवन ही गेवराईकर यांच्या जीवनातील संवेदनशील जागा. मृत्यूनंतरच्या अखेरच्या संस्कारासाठी येणाऱ्या कुटुंबांसाठी येथे नेहमीच गंभीर व शोकाकुल वातावरण असते. परंतु सध्या पूर आणि पावसामुळे संपूर्ण परिसर चिखलाने व वाहून आलेल्या ढिगाऱ्याने भरून गेला आहे.
लाकडाचे गड्ढे, सुतार कामाचे साहित्य, विधींसाठी ठेवलेली सामग्री पाण्यात वाहून गेली आहे. दुर्गंधी, चिखल व अस्वच्छतेमुळे शेवटचे संस्कार करणे कठीण झाले आहे. प्रियजनांना निरोप देताना पायाखाली ओला चिखल व दुर्गंधी असल्याने नातेवाईकांच्या वेदना आणखी वाढत आहेत.
