बीड : नागापूर धरणात पोहायला गेलेला युवक बुडाला

परळी वैजनाथ; पुढारी वृत्तसेवा : परळी तालुक्यातील नागापूर येथील वाण धरणात पोहायला गेलेल्या एक युवक धरणात बुडाला. शेख तालेब शेख जानी (वय 24, रा. जुना रेल्वे स्टेशन, परळी ) असे या युवकाचे नाव आहे. त्याचा शोध घेतला जात आहे.

याबाबत अधिक माहिती अशी की, परळी शहरातील जुना रेल्वे स्टेशन भागातील रहिवासी असलेला शेख तालेब शेख हा नागापुर वाण धरणात पोहायला गेला होता. यावेळी तो बुडाला. याची माहिती मिळताच घटनास्थळी परळीचे नायब तहसीलदार बाबुराव रुपनर, नगरपालिकेचे आपत्कालीन पथक, पोलीस प्रशासन व महसूल प्रशासनाचे कर्मचारी दाखल झाले. या तरुणाचा शोध घेण्यासाठी मोहीम सुरू करण्यात आली आहे. या ठिकाणी बघ्यांची मोठी गर्दी झाली आहे.

दरम्यान, काही दिवसापूर्वीच परळीचा मुख्य जलस्त्रोत असलेला नागापूरचा वाहन प्रकल्प तुडुंब भरला आहे. हा प्रकल्प सेल्फी पॉईंट बनला आहे. धरणात पोहायला जाणाऱ्या लोकांची संख्या मोठी आहे.

हेही वाचलंत का ? 

• कोल्हापूर सर्किट बेंचबाबत मुख्य न्यायमूर्ती दिपांकर दत्ता यांच्याशी चर्चा करणार : मुख्यमंत्री शिंदे
• फलकबाजी करणाऱ्या काँग्रेसच्‍या चार खासदारांचे लोकसभेतून निलंबन
• राज्यपाल, राज्यसभा सदस्य बनवण्याची बतावणी करत १०० कोटी लाटले, पाच आरोपींवर गुन्हा, चाैघांना अटक