गेवराई तालुक्यातील चकलंबा पोलीसांकडून अवैध वाळू वाहतूक करणाऱ्यांवर कारवाई
गेवराई तालुक्यातील चकलंबा पोलीसांनी अवैध वाळू वाहतूक करणाऱ्या वाहनावर कारवाई करत, पस्तीस लाख रूपयांचा मुद्देमाल ताब्यात घेतला आहे. यामध्ये एक जेसीबी आणि हायवा डंपरचा समावेश आहे.
याबाबत मिळालेली अधिक माहिती अशी की, राक्षसभुवन येथील गोदावरी पात्रामध्ये अवैध वाळू उपसा होत असल्याची माहिती चकलंबा पोलिसांना मिळाली होती. त्यानुसार पो. नि. भास्कर नवले यांनी, दि १७ रोजी दुपारी राक्षसभुवन येथील गोदापात्रात जाऊन पाहणी केली.
धक्कादायक! झाकीर नाईकवरची बंदी वाढली, तरीही होतोय गुगलवर सर्वाधिक सर्च
या पहाणीदरम्यान एक जेसीबी हायवा डंपरमध्ये अवैधरित्या वाळू भरत होता. खुलेआम केल्या जाणाऱ्या वाळूच्या या तस्करी प्रकरणी, पोलीस निरीक्षक नवले हे कर्मचाऱ्यांसह त्या ठिकाणी पोहचले. आणि दोन्ही वाहनांवर कारवाई करत सदरची वाहने ताब्यात घेतली.
या कारवाईत पोलीसांनी एक जेसीबी आणि हायवा असा एकूण अंदाजे ३५ लाख रूपयांचा मुद्देमाल ताब्यात घेतला आहे. तसेच संबंधितांवर चकलंबा पोलीस ठाण्यात कलम 379, 188, 34, 511, 144 कलमानुसार गुन्हा नोंद दाखल केला आहे.
हे ही वाचा
- बाबा लगीन ! जुलैपर्यंत तब्बल ६३ लग्नाचे मुहूर्त, एकाच ठिकाणी चेक करा यादी !
- चंदगड ड्रग्ज प्रकरण : मुख्य आरोपी वकील राजकुमार राजहंसला पोलीसांकडून बेड्या
- POCSO act : सुप्रीम कोर्टाकडून मुंबई हायकोर्टाचा निर्णय रद्दबातल