धाराशीव: जकेकुर चौरस्ता येथे गुटख्याची वाहतूक करणारा टेम्पो पकडला, ५० लाखांचा मुद्देमाल जप्त

उमरगा, पुढारी वृत्तसेवा : तालुक्यातील जकेकुर चौरस्ता येथे शनिवारी रात्री गस्तीवर असलेल्या पोलिसांनी हैदराबाद कडून येणाऱ्या टेम्पोला थांबवून चौकशी केली असता ३९ लाख ७६ हजारांचा गुटखा आढळून आला. पोलिसांनी १० लाख ५० हजारांच्या टेम्पोसह एकूण ५० लाख २६ हजार किंमतीचा मुद्देमाल जप्त केला. पोलिसांनी चालकाला ताब्यात घेतले असून त्याच्याविरोधात उमरगा पोलिसांत गुन्हा दाखल केला आहे.

याबाबत अधिक माहिती अशी की,पोलिसांना मिळालेल्या गुप्त माहितीवरुन उमरगा पोलिसांचे पथक शनिवारी (दि.१४) रात्री साडेअकराच्या सुमारास हैद्राबाद कडून येणाऱ्या टेम्पोची (एम.एच.२०- ईजी ५३५७) तपासणी केली. यावेळी पोलिसांनी वाहन चालक शेख मुराद शेख लाल (वय ३७, रा. मस्जिदजवळ, मु.पो.गेवराई, पैठणरोड, ता. जि. छत्रपती संभाजीनगर) यास वाहनासह ताब्यात घेतले. या प्रकरणाचा पुढील तपास सहाय्यक पोलीस निरीक्षक एन. आर. गायकवाड करीत आहेत.

हेही वाचा

Dharashiv

धाराशीव: जकेकुर चौरस्ता येथे गुटख्याची वाहतूक करणारा टेम्पो पकडला, ५० लाखांचा मुद्देमाल जप्त

संबंधित बातम्या