नांदेड : केरुर येथे मोटारसायकल-खासगी बसची धडक; एकजण जागीच ठार
नरसीफाटा : पुढारी वृत्तसेवा : बिलोली तालुक्यातील केरूर वळणावरील घाटात मोटरसायकल व खासगी ट्रॅव्हल्स बसची धडक होऊन झालेल्या भिषण अपघातात मोटरसायकलस्वार जागीच ठार झाला. पंडित मनोहर बावणे (वय ३२, रा. भोपळा) असे मृत्यू झालेल्या तरूणाचे नाव आहे. आज (दि.२ सप्टें) सायंकाळी साडेसहा वाजताच्या सुमारास ही घटना घडली.
या बाबत सविस्तर वृत्त असे की, भोपाळा येथील पंडित बावणे हे सासरवाडी असलेल्या सगरोळी येथून आदमपूर फाटा मार्गे नरसीकडे येत होते. सदर मोटारसायकल केरुर घाटावरील रस्त्यावर येताच मोटारसायकल आणि बसमध्ये जोरदार धडक झाली. या भिषण अपघातात मोटारसायकल वरील पंडित मनोहर बावणे हा युवक जागीच ठार झाला. या घटनेचे माहिती रामतीर्थ पोलीस ठाण्याला मिळताच स.पो.नि संकेत दिघे यांनी तातडीने घटनास्थळी अदमपूर बीट जमादार अशोक इंगळे यांना पाठवून मयताचे शव नायगांव ग्रामीण रुग्णालयात पाठविले. मयत पंडित बावणे यांच्या पश्चात आई – वडील, २ भाऊ, १ बहीण, पत्नी, मुलगा-मुलगी असा परिवार आहे.
हेही वाचलतं का?
- Babar Azam vs Ehsan Khan : चार वर्षांनंतरही बाबर आझमसाठी एहसान खान ठरला कर्दनकाळ!
- Asia Cup PAK vs HK : पाकिस्तानचे हाँगकाँग समोर 194 धावांचे लक्ष्य
- विक्रम सावंत यांचा बेहिशोबी पैसा पतसंस्थेत, ईडीची चौकशी करा : विलासराव जगताप
