हिंगोली : भरधाव कारच्या धडकेत पत्नीचा मृत्यू, पती जखमी
हिंगोली; पुढारी वृत्तसेवा : हिंगोली कनेरगाव रस्त्यावरील बासंबा जवळ भरधाव कारने दुचाकीला धडक दिल्याने झालेल्या अपघातात दुचाकीवरील पत्नीचा जागीच मृत्यू झाला तर पती गंभीर जखमी झाला आहे. ही घटना शनिवार (२८ मे) रोजी रात्री घडली. उषाबाई मधुकर कामखेडे (वय ५०) असे मृत महिलेचे नाव आहे.
हिंगोली तालुक्यातील ढोलउमरी येथील मधुकर भिवाजी कामखेडे व त्यांची पत्नी उषाबाई हे दुचाकीवरून शनिवारी रात्री पिंपळखुटा येथे जात होते. रात्री अकराच्या सुमारास ते हिंगोली ते कनेरगाव रस्त्यावरील बासंबाजवळ हिंगोलीकडून कनेरगावकडे भरधाव वेगाने जाणाऱ्या कारने त्यांच्या दुचाकीला धडक दिली. ही धडक एवढी भीषण हाेती की, उषाबाई यांचा जागीच मृत्यू झाला तर मधुकर कामखेडे गंभीर जखमी झाले.
पुणे- मुंबई ‘एक्सप्रेस वे’ वर अपघाताला आमंत्रण : गावकर्‍यांनी तोडून टाकले क्रॅश बॅरिअर
जखमी मधुकर कामखेडे यांना प्राथमिक उपचारानंतर नांदेडला हलवण्यात आले आहे. या अपघातानंतर कार चालकाने घटनास्थळावरून पळ काढला. पिंपळखुटा येथील संतोष चिवडे, शंकर खंदारे, शिवराम खंदारे यांच्यासह ग्रामस्‍थांनी घटनास्थळी धाव घेतली. तसेच बासंबा पोलीस ठाण्याचे सहाय्यक पोलिस निरीक्षक व्हि. डी. श्रीमनवार, जमादार प्रवीण राठोड यांनी घटनास्थळी भेट दिली.
हेही वाचलंत का?
- निपाणी : बहिणीच्या लग्नाला भाऊ मुकला ; तवंदी घाटातील अपघातात वधूच्या भावासह काका-काकू, आजी ठार
- बावडा : अपघातांची वाढती टक्केवारी चिंताजनक; गतवर्षीच्या तुलनेत 17 टक्क्यांनी वाढ
- नगर-औरंगाबाद महामार्गावर क्रुझर गाडीला भीषण अपघात, एक ठार तर आठ जखमी
- Road accident : महाराष्ट्रासह प्रमुख राज्यांमधील रस्ते अपघात लक्षणीय घट