अडकूर : आमरोळी (ता. चंदगड) येथील एकाचा मृतदेह गणुचीवाडी येथील घटप्रभा नदीवर असलेल्या बंधाऱ्यात आढळला. याबाबत अधिक माहिती अशी की, बाबू धोंडीबा यादव ( वय ५२, रा. आमरोळी, ता. चंदगड) हे बुधवारी (दि. १३) घरातून बाहेर पडले, ते बेपत्ता झाले होते.
दरम्यान रविवारी सकाळी ९ वाजता अडकूर ते गणुचीवाडी मार्गावरील घटप्रभा नदीच्या पात्रात कोल्हापूर पद्धतीच्या बंधा-यात मृतदेह पाण्यावर तरंगत असताना आढळला. या घटनेची फिर्याद त्यांचा चिरंजीव अजय बाबू यादव (वय २०) यांनी चंदगड पोलीसात दिली.
सदर मृतदेहाचे चंदगड येथे ग्रामीण रुग्णालयात शवविच्छेदन करुन नातेवाईकांच्या ताब्यात देण्यात आला. अधिक तपास पोलिस हवालदार अजित कांबळे करत आहेत. बाबू यांच्या पश्चात आई, पत्नी, मुलगी, जावई, दोन मुलगे, भाऊ, दोन बहिणी असा परिवार आहे.
