कोल्हापूर : भाततळी येथे मुसळधार पाऊस; टॉवर कोसळला

विशाळगड; पुढारी वृत्तसेवा : विशाळगड परिसरात गुरूवारी (दि.१६) सायंकाळी वादळी वाऱ्यासह जोरदार पाऊस झाला. या पावसामुळे भाततळी येथे २५ वर्षांपूर्वी उभारण्यात आलेला ७० फूट लांबीचा बीएसएनएलचा टॉवर कोसळला.

परिसरात विलास रावजी पाटील यांच्या घराशेजारी हा टॉवर उभा असल्याने त्यांच्या घराची काही कौले फुटली आहेत. मात्र, या दुर्घटनेमुळे कोणतीही जीवितहानी झालेली नाही. वादळी वाऱ्यामुळे परिसरातील काही घराची कौले व पत्रे उडून गेली. तर काही ठिकाणी झाडे  कोलमडून पडली. परिसरातील विजेच्या तारा तुटून पडल्यामुळे परिसरातील वीजपुरवठा खंडीत करण्यात आला.

हेही वाचा :

• पतीने कुरकुरे दिले नाही म्हणून पत्नीने सोडले घर…गोष्ट गेली पोलिसांपर्यंत
• नाशिक : सभेतून राष्ट्रवादी कॉंग्रेस शरद पवार गटाच्या जिल्हाध्यक्षांची सोनसाखळी चोरटयाने केली लंपास
• रत्नागिरी : शृंगारतळीनजीक टायर फुटल्याने ट्रक उलटला; दोन महिलांचा मृत्यू