कोल्हापूर : अंबाबाई मंदिरात घटस्थापनेने शारदीय नवरात्राैत्सवाला प्रारंभ
कोल्हापूर : पुढारी वृत्तसेवा करवीर निवासिनी अंबाबाई मंदिरात आज (रविवार) सकाळी ७.३० वाजता घटस्थापना पुण्याहवाचन करण्यात आले. ८ वाजण्याच्या सुमारास तोफेची सलामी देण्यात आली. घंटानाद व देवीच्या स्नानास प्रारंभ झाला. घटस्थापना विधींनी देवीच्या नवरात्राैत्सव सोहळ्याला सुरुवात झाली.
सकाळी ११.३० वाजता धार्मिक कार्यक्रम सुरू झाले. दुपारी २ वाजता देवीची अलंकार पूजा बांधली जाणार आहे. पहिल्या दिवशी पारंपरिक बैठी पूजा असणार आहे. रात्री ९.३० वाजता देवीचा पालखी सोहळा होईल. दर्शनासाठी सकाळपासून मंदिरात भाविकांची गर्दी झाली आहे. मुख्य दर्शन रांगेसोबत मुख दर्शनाला भाविकांचा प्रतिसाद मिळत आहे. रविवार असल्याने जोतिबा डोंगरावर दर्शनाला आलेले भाविकही कोल्हापुरात दाखल होत आहेत.
- चीनला झोंबली इस्‍त्रायलची कारवाई, परराष्‍ट्र मंत्री म्‍हणाले, “गाझामधील……”
- Navratri 2023 : शारदीय नवरात्रोत्सवाच्या चैतन्यमयी पर्वास आजपासून प्रारंभ
- Samruddhi Mahamarg Accident : समृद्धी महामार्ग अपघातातील मृतांच्या कुटूंबियांना पीएम मोदींकडून २ लाखांची मदत जाहीर
