कोल्हापूर : दिलासादायक…लसीकरणाला वेग; 15-18 वयोगटातील 50 टक्के तरुणांना मिळाला पहिला डोस

कोल्हापूर : विकास कांबळे

जिल्ह्यात 15 ते 18 वयोगटातील मुलांसाठी सुरू करण्?यात आलेल्या लसीकरण मोहिमेने केवळ आठ दिवसांत सोमवारी एक लाखाचा टप्पा पार केला. त्यामूळे 50 टक्क्यांपेक्षा अधिक मुलांचा पहिला डोस पूर्ण झाला आहे. दुसर्‍या डोससाठी 28 दिवसांचा कालावधी ठेवण्यात आल्याने लसीकरणाची सध्याची गती पाहता फेब्रुवारी अखेरपर्यंत 15 ते 18 वयोगटातील लसीकरण पूर्ण होण्याची शक्यता आहे.

शासनाच्या वतीने टप्प्याटप्प्याने लसीकरणाची व्याप्ती वाढविण्यात येत आहे. तिसर्‍या लाटेची चर्चा सुरू झाल्यानंतर व ओमायक्रॉनच्या पार्श्‍वभूमीवर 15 ते 18 वयोगटातील मुलांचे लसीकरण करण्याचा निर्णय घेतला. त्याची सुरुवात 3 जानेवारीपासून करण्यात आली. या वयोगटातील मुलांच्या लसीकरणासाठी शाळा व कॉलेजमध्ये लसीकरण केंद्रे सुरू करण्यात आली. पहिल्या दिवशी जिल्ह्यात केवळ 12 तालुक्यांत 12 आणि शहरात 11 लसीकरण केंद्रांवर मुलांना लस देण्यात आली.

लसीकरणाला पहिल्या दिवसापासून मुलांचा चांगला प्रतिसाद मिळू लागला. त्यामुळे पहिल्या तीन दिवसांत या वयोगटातील लसीकरणाने 50 हजारांचा टप्पा पार केला होता. त्यानंतर लसीकरण केंद्रे वाढविण्याचा निर्णय घेण्यात आला. त्यासाठी आरोग्य विभागाच्या वतीने तयारी सुरू करण्यात आली. प्रत्येक शाळा व कॉलेजना पत्र पाठवून लसीकरणास पात्र असणार्‍या मुलांची संख्या पाठविण्याच्या सूचना दिल्या. याची तत्काळ अंमलबजावणी शाळा व कॉलेजनीदेखील केली. त्यामुळे लसीकरण केंद्रे वाढविण्यास सुरुवात करण्यात आली. लसीकरणाचा सोमवारी आठवा दिवस होता.आजपर्यंत 1 लाख 71 हजार 29 मुलांपैकी 1 लाख 11 हजार 9 मुलांनी लस घेतली.

15 ते 18 वयोगटातील लसीकरणाला मिळणारा प्रतिसाद पाहता फेब—ुवारी अखेरपर्यंत या वयोगटातील मुलांचे लसीकरण पूर्ण होईल.
— डॉ. फारुख देसाई, जिल्?हा लसीकरण अधिकारी

कोल्हापूर  : लसीकरणासाठी लागलेली रांग.

हेही वाचलंत का : 

• Bajrangi Bhaijaan : 'मुन्नी' हर्षाली मल्होत्रा हिला मिळाला 'हा' पुरस्कार, हर्षाली मल्होत्राचे फोटो व्हायरल
• Lalbahadur shastri death anniversary : माजी पंतप्रधान लालबहादूर शास्‍त्री यांच्‍या पत्‍नीने फॅमिली पेंशनमधून फेडले होते कर्ज
• चक्क माणसाच्या छातीत धडधडले डुकराचे हृदय; अमेरिकेत जगातील पहिली शस्त्रक्रिया यशस्वी
• सांगली : झुलत्या पुलामुळे पर्यटनाला चालना, औदुंबर ते भुवनेश्वरीदरम्यान होणार पूल
• चक्क माणसाच्या छातीत धडधडले डुकराचे हृदय; अमेरिकेत जगातील पहिली शस्त्रक्रिया यशस्वी