सिंधुदुर्ग : देवगड-निपाणी राज्य मार्गावर वटवृक्ष कोसळला; वाहतूक ठप्प, वीज पुरवठा खंडित
नांदगाव : पुढारी वृत्तसेवा मुसधार पडणा-या पावसामुळे देवगड-निपाणी राज्य मार्गावर तोंडवली बोभाटेवाडी येथे नांदगाव तिठ्ठाच्या काही अंतरावर जुनाट महाकाय वटवृक्ष उन्मळून पडला. यामुळे देवगड-निपाणी राज्य मार्गावरील दोन्ही बाजूची वाहतूक ठप्प झाली आहे. वीज पुरवठाही खंडित झाला आहे. सदरचा वटवृक्ष आज (शुक्रवार) सकाळी साडेदहा वाजण्याच्या सुमारास कोसळला.
याबाबत सार्वजनिक बांधकाम विभागाला येथील स्थानिकांनी वारंवार निवेदन देऊनही विभागाकडून दुर्लक्ष करण्यात येत असल्याचे स्थानिकांकडून सांगण्यात येत आहे. घटनेदरम्यान काही शाळकरी मुले व नागरीक रस्त्यावरून जात असताना हा वटवृक्ष कोसळला, मात्र दैव्य बलवत्तर म्हणून कोणतीही ईजा कुणाला झाली नाही. त्याचबरोबर वटवृक्षा शेजारी विद्युत प्रवाहित तारा व पोल असल्याने त्याचेही नुकसान झाले. यामुळे वीज पुरवठाही खंडित झाला आहे.
दरम्यान स्थानिकांकडून याबाबत सार्वजनिक बांधकाम विभागाला कळविण्यात आले आहे. वटवृक्ष रस्त्यावरून हटवण्याचे काम युध्दपातळीवर सुरु आहे. जवळपास पर्यायी मार्ग नसल्याने दोन्ही बाजूला वाहतूक ठप्प आहे. अनेक नोकरदार, एस.टी.बस व अवजड वाहतूक करणारी वाहने अडकून पडली आहेत.
हेही वाचा :
- महत्वाची बातमी : स्थानिक स्वराज्य संस्थांच्या निवडणुकांचा बिगुल वाजला; ‘या’ महिन्यात होण्याची शक्यता
- Rahul Gandhi defamation case | राहुल गांधी यांची खासदारकी रद्दच, शिक्षेला स्थगिती देण्यास गुजरात हायकोर्टाचा नकार
- NCP Crisis : दिंडोरी राष्ट्रवादी काँग्रेसमध्ये उभी फूट; झिरवाळ अजित पवार गटात, तर श्रीराम शेटेंची राजकीय गुरू शरद पवारांना साथ