रत्नागिरी: दापोली येथील आराम बसचा नायगाव-घोडबंदर रोडवर अपघात

दापोली; पुढारी वृत्तसेवा : दापोली येथून रोज खासगी प्रवाशी वाहतूक करणाऱ्या आराम बसला नायगाव – घोडबंदर रोडवर आज (दि.२३) भीषण अपघात झाला. या अपघातात बसमधील एक जण जखमी झाला. प्रशांत भुवड खेर्डी (रा.दापोली) असे जखमी प्रवाशाचे नाव आहे.

मिळालेल्या माहितीनुसार, साईदत्त ही खाजगी आराम बस करंजाणी येथील शेखर कालेकर यांच्या मालकीची आहे. नायगाव घोडबंदर रोडवर कंटेनरला ओव्हरटेक करताना हा अपघात झाला. बसमधील आणखी कुणी जखमी आहेत की नाही, याची माहिती मिळू शकलेली नाही. ही बस दररोज दापोली ते विरार या मार्गावर धावते.

हेही वाचा 

• मान्सून रत्नागिरीतच, पुढे जाता जाईना ! तळकोकणात 11 दिवस अडखळला
  
• MPL 2023 : रत्नागिरी जेटस् 'प्ले ऑफ'मध्ये
  
• रत्नागिरी : चिपळुणात पाच रुपयांत कापडी पिशवी; शासनाकडून जनजागृती