नगर : हॉटेलमध्ये खाद्य पदार्थांची चोरी

जेऊर : नगर तालुक्यातील जेऊर येथे नगर-औरंगाबाद महामार्गालगत हॉटेलचे कुलूप तोडून खाद्यपदार्थांची चोरी झाल्याची घटना मंगळवारी रात्री घडली. उद्योजक चंद्रकांत शिंदे यांचे गुरूकृपा नावाचे हॉटेल आहे. मंगळवारी रात्री चोरट्यांनी हॉटेलचे कुलूप तोडून खाद्यपदार्थ चोरले. हॉटेलमधील जास्त नुकसान झाले नसले, तरी चोरीच्या घटनेने व्यावसायिकांमध्ये भीतीचे वातावरण आहे.

फारसे नुकसान झाले नसल्याने गुन्हा दाखल केला नसल्याचे हॉटेलचे संचालक शिंदे यांनी सांगितले. जेऊर परिसरात डिझेल चोर, रस्ता लूट, मोटरसायकल चोर व भुरट्या चोर्‍या करणार्‍यांच्या टोळ्या रात्री महामार्गावर फिरत असल्याचे नागरिकांकडून सांगण्यात येत आहे.