तरी खेळाडूंना विविध खेळाच्या चांगल्या सुविधा उपलब्ध करून देणे गरजेच्या आहे. त्यासाठी यापूर्वी शासनाच्या माध्यमातून सारसनगर येथे विविध खेळांचे क्रीडा संकुल उभे राहत असून त्याचे काम देखील अंतिम टप्प्यात आहे. या ठिकाणी खेळाडूंना विविध खेळाचे प्रशिक्षणही दिले जाणार आहे. वाडियापार्क क्रीडा संकुलात खेळाडुंना चांगल्या दर्जेच्या सुविधा उपलब्ध व्हाव्यात, यासाठी राज्याचे क्रीडा व युवक कल्याण मंत्री संजय बनसोडे यांनी यापूर्वी पाहणी केली होती. त्यानुसार आज मंत्रालयामध्ये बैठक झाली. वाडियापार्क क्रीडा संकुलाच्या बळकटीकरणासाठी व खेळाडूंना अद्यावत सुविधा निर्माण करण्यासाठी शासन दरबारी पाठपुरावा सुरू आहे. भविष्यकाळात वाडियापार्क क्रीडा संकुलाच्या माध्यमातून शहर व जिल्ह्यात राष्ट्रीय-आंतरराष्ट्रीय दर्जाचे खेळाडू तयार होती, असेही ते म्हणाले.
