पुणे : मार्च महिन्यात सरासरी 30 मिलिमीटर पाऊस पडतो. मात्र, देशातील 13 राज्यांत सरासरीपेक्षा 80 ते 95 टक्के कमी पाऊस झाला आहे. त्यात महाराराष्ट्रातील कोकण, मध्य व उत्तर महाराष्ट्र, मराठवाडा या भागांचा समावेश आहे. फक्त विदर्भात सरासरीपेक्षा 23 टक्के जास्त पाऊस पडला आहे. देशात मार्च महिन्यातही पाऊस पडतो. त्याची सरासरी 30.9 मि.मी. आहे. पूर्वोत्तर राज्यांत सरासरीपेक्षा जास्त पाऊस झाल्याने देशाची मार्चची सरासरी 29.9 टक्के इतकी भरली आहे. मात्र 36 पैकी 13 राज्यात 90 ते 95 टक्के पाऊस कमी झाला. 10 राज्यांत अतिवृष्टी, 5 राज्यांत साधारण, 5 राज्यांत मध्यम, 4 राज्यांत कमी पाऊस झाला आहे.
देशात अल निनो स्थिती सक्रिय आहे. त्यातही मध्य भारताचा काही
भाग, पश्चिम राजस्थान, दक्षिण भारत पूर्ण आणि महाराष्ट्रातील मध्य, उत्तर मराठवाडा या भागावर जास्त प्रभाव जाणवला. त्यामुळे मार्च महिन्यात सरासरीपेक्षा खूप कमी पाऊस झाला. त्यामुळे उष्णतेची लाट अधिक तीव्रतेने जाणवली. याउलट विदर्भात उष्णता असूनही पावसाने तापमान किंचित कमी राहिले.-डॉ. अनुपम कश्यपी, निवृत्त शास्त्रज्ञ, आयएमडी, पुणे
हेही वाचा
