Nana Patole Tweet : राज्यपालांची रवानगी गुजरात किंवा राजस्थानला करा : नाना पटोले
पुढारी ऑनलाईन डेस्क : राज्यपाल भगतसिंह कोश्यारी पुन्हा आपल्या वक्तव्यामुळे चर्चेत आले आहेत. शुक्रवारी (२९ जुलै) मुंबई येथे झालेल्या एका कार्यक्रमात त्यांनी केलेल्या वक्तव्यावरुन वाद सुरु आहे. कॉंग्रेस प्रदेशाध्यक्ष नाना पटोले यांनी ट्विट करत (Nana Patole Tweet) राज्यपालांवर निशाणा साधला आहे. तसेच भाजप राज्यपालांचा निषेध व्यक्त करणार का ? असा सवालही त्यांनी केला आहे.
Nana Patole Tweet :… हे अत्यंत अशोभनीय
नाना पटाेले यांनी ट्विटमध्‍ये म्‍हटलं आहे की, महाराष्ट्राचे राज्यपाल मा. भगतसिंह कोश्यारी यांनी मुंबईबद्दल केलेले विधान अतिशय संतापजनक आहे. राज्याच्या घटनात्मक प्रमुख पदावर असतानाही कोश्यारीजी यांनी मागील काही काळात आपल्या विधानातून आणि कृतीतून अनेक वेळा महाराष्ट्राचा अपमान केला आहे. या महाराष्ट्रभूमीत जन्मलेल्या छत्रपती शिवराय, आनंदीबाई जोशी, दादासाहेब फाळके आदी महापुरुषांनी आपल्या कर्तृत्वातून जगात देशाची कीर्ती पोहचवली आणि त्याच महाराष्ट्रभूमीबद्दल बोलताना राज्यपालांचा समतोल ढासळणे हे अत्यंत अशोभनीय आहे.
Nana Patole Tweet : राज्यपालांचा निषेध व्यक्त करतील का ?
मराठी माणसाने आपल्या घामातून आणि वेळेप्रसंगी आपले रक्त सांडून ही वैभवशाली मुंबई नगरी उभी केली आहे. मुंबई महापालिकेच्या निवडणुकांवर डोळा ठेवून स्वतःला मराठीचे तारणहार म्हणवणारे महाराष्ट्रातील भाजप नेते आता राज्यपालांचा निषेध व्यक्त करतील का ?, असा सवालही पटाेले यांनी केला आहे. राज्यपालांनी आपल्या वक्त्यव्यातून मुंबईसह संयुक्त महाराष्ट्रासाठी रक्त सांडलेल्या १०५ हुतात्म्यांचा अवमान केला आहे. केंद्र सरकारने कोश्यारीजी यांचा राजीनामा घेऊन त्यांची रवानगी तात्काळ त्यांची विशेष पसंती असलेल्या गुजरात किंवा राजस्थानला करावी, अशी मागणीही त्यांनी केली आहे.
वारंवार महाराष्ट्राचा अपमान करणाऱ्या राज्यपालांची रवानगी त्यांच्या पसंतीच्या गुजरात किंवा राजस्थानला करा❗️#Maharashtra pic.twitter.com/IRLSZqKLsV
— Nana Patole (@NANA_PATOLE) July 30, 2022
हेही वाचलंत का?
- आता राज्यपालांना कोल्हापुरी जोडे दाखविण्याची वेळ : उद्धव ठाकरे
- Nitesh Rane Tweet : राज्यपालांकडून कोणाचाही अपमान झालेला नाही – नितेश राणे
- Raj Thackeray Tweet : राज्यपालांवर राज ठाकरेंची टीका; म्‍हणाले, “मराठी माणसाला…”
- दुसऱ्या राज्यांबद्दल प्रेम असणाऱ्या व्यक्तींनी खुशाल तिकडे जाऊन रहावे : जयंत पाटील
- ठाकरेंची परवानगी घेऊन शिंदे गटात जातोय, अर्जुन खोतकर यांनी डोळ्यात अश्रू आणून जाहीर केला निर्णय