इंद्राणी मुखर्जीच्या जामीन अर्जास सीबीआयचा विरोध

नवी दिल्ली, पुढारी वृत्तसेवा : शीना बोरा हत्या प्रकरणातील प्रमुख आरोपी इंद्राणी मुखर्जीच्या  (Indrani Mukherjee) जामीन अर्जास सीबीआयने शुक्रवारी सर्वोच्च न्यायालयात विरोध केला. आपल्या स्वतः च्या मुलीला इंद्राणीने कट रचून ठार मारलेले आहे, शिवाय स्वतःच्या मुलाला ठार मारल्याचा कट रचल्याचे तपासात स्पष्ट झाले आहे. त्यामुळे अशा महिलेला दया दाखवून जामीन देण्याची आवश्यकता नाही, असे सीबीआयकडून दाखल करण्यात आलेल्या प्रतिज्ञापत्रात म्हटले आहे.

• PAK VS AUS : ऑस्ट्रेलियाने पाकिस्तानला त्यांच्याच देशात चारली धूळ

इंद्राणी मुखर्जी (Indrani Mukherjee) ही प्रभावशील व्यक्ती आहे. शीना बोरा हत्या प्रकरणातील साक्षीदारांची अद्याप उलटतपासणी झालेली नाही. अशावेळी बाहेर सोडण्यात आले तर ती साक्षीदारांवर प्रभाव टाकू शकते. शिवाय पुराव्यांशी छेडछाड करू शकते, असा युक्तिवादही सीबीआयने सर्वोच्च न्यायालयात केला आहे. इंद्राणी ही विश्वास टाकण्यायोग्य नसल्याने जामीनवर बाहेर आल्यावर फरारदेखील होऊ शकते, अशी भीतीही सीबीआयने व्यक्त केली आहे.

हेही वाचलंत का ?  

• तुम्ही म्हणजे मुंबई नाही : देवेंद्र फडणवीसांचा मुख्यमंत्र्यांना टोला
• प्रवीण दरेकरांच्या अडचणीत वाढ; मुंबई सत्र न्यायालयाने अटकपूर्व जामीन अर्ज फेटाळला
• द काश्मीर फाईल्सचा दिग्दर्शक विवेक अग्निहोत्री म्हणतो, भोपाळी म्हणजे 'समलैंगिक' !