चेहऱ्याची काळजी घेणे प्रत्येक महिलेसाठी महत्त्वाचं असतं. अनेकांना वाटतं की दिवसात जितक्या वेळा फेस वॉश करू, तितकी त्वचा स्वच्छ राहील. पण ही सवय चुकीची ठरू शकते. कारण खूप वेळा फेस वॉश केल्याने त्वचेला नुकसान होऊ शकतं.
त्वचारोगतज्ज्ञ डॉ. आंचल सांगतात की दिवसात फक्त दोन वेळाच फेस वॉश करावा –
सकाळी: रात्री झोपताना चेहऱ्यावर साचलेलं तेल, धूळ, घाम हे काढण्यासाठी.
रात्री झोपण्यापूर्वी: दिवसभरात चेहऱ्यावर जमा झालेली धूळ, प्रदूषण, मेकअपचे अवशेष काढण्यासाठी.
यापेक्षा जास्त वेळा फेस वॉश केल्याने त्वचेची नैसर्गिक ओलसरता कमी होते आणि ती कोरडी, निस्तेज दिसू लागते.
त्वचेची प्रोटेक्टिव्ह लेयर नष्ट होते – ओव्हर-क्लिंजिंगमुळे चेहऱ्यावरील नैसर्गिक तेलं निघून जातात.
रेडनेस आणि खाज येते – स्किन जास्त कोरडी झाल्याने ती संवेदनशील होते आणि रॅशेस येऊ शकतात.
पिंपल्स आणि ब्रेकआउट्स वाढतात – कोरडी झालेली त्वचा जास्त तेल तयार करू लागते, ज्यामुळे पिंपल्स होतात.
निस्तेजपणा येतो – सतत फेस वॉश केल्याने त्वचेतून नॅचरल ग्लो निघून जातो.
स्किन टाइपनुसार निवड करा – ऑयली स्किनसाठी जेल-बेस्ड फेस वॉश आणि ड्राय स्किनसाठी क्रीम किंवा मॉइस्चरायझिंग फेस वॉश सर्वोत्तम.
केमिकल्स टाळा – हार्श केमिकल्स, सल्फेट्स किंवा आर्टिफिशियल सुगंध असलेले फेस वॉश टाळा.
नैसर्गिक घटक असलेले निवडा – अॅलोवेरा, गुलाबजल, चंदन, हळद यांसारखे नैसर्गिक घटक असलेले फेस वॉश स्किनसाठी सुरक्षित असतात.
कोमट पाण्याने चेहरा धुवा.
फेस वॉश हातावर घेऊन हलक्या हातांनी गोलाकार मसाज करा.
खूप जोरात घासू नका, यामुळे त्वचेला मायक्रो-डॅमेज होऊ शकतं.
फेस वॉश केल्यानंतर हलक्या टॉवेलने चेहरा पुसा.
लगेच मॉइस्चरायझर लावा जेणेकरून त्वचेतील ओलसरता टिकून राहील.
घाम आल्यावर, व्यायामानंतर किंवा बाहेरून आल्यावर चेहरा धुणं आवश्यक आहे. पण यासाठी माइल्ड फेस वॉश वापरा आणि वारंवार धुणं टाळा. योग्य पद्धतीने फेस वॉश केल्याने त्वचा नेहमी तजेलदार, स्वच्छ आणि निरोगी राहील.
