कढीपत्ता (Curry Leaves) हा भारतीय स्वयंपाकघरातील एक महत्त्वाचा घटक आहे. फोडणीची चव आणि सुगंध वाढवण्यासाठी कढीपत्त्याचा वापर केला जातो, पण अनेकदा लोक कढीपत्ता बाजूला काढून ठेवतात. मात्र, कढीपत्ता जर कुरकुरीत (Crispy) आणि चटकदार पद्धतीने बनवला, तर तो खाण्यात चवीला खूपच स्वादिष्ट लागतो आणि आरोग्यदायीही ठरतो. 'कुरकुरीत कढीपत्ता' ही रेसिपी इतकी सोपी आहे की, तुम्ही एकदा बनवली तर कुटुंबातील सदस्य रोज तो मागतील. विशेषत: लहान मुलेही कढीपत्ता आवडीने खातील.
हा कुरकुरीत कढीपत्ता तुम्ही स्नॅक्स म्हणून खाऊ शकता किंवा तो भात, दहीभात, पोहे, उपमा किंवा कोणत्याही सुक्या भाजीवर गार्निशिंगसाठी (सजवण्यासाठी) वापरू शकता.
ताजी कढीपत्त्याची डहाळी
तेल (तळण्यासाठी): 2 मोठे चमचे
तांदळाचे पीठ (Rice Flour): 1 छोटा चमचा
बेसन (Gram Flour): 1 छोटा चमचा
लाल तिखट (काश्मिरी): 1/2 छोटा चमचा
हळद: १/४ छोटा चमचा
आमचूर पावडर किंवा चाट मसाला: 1/2 छोटा चमचा
मीठ: चवीनुसार
कढीपत्ता तयार करणे:
ताजी कढीपत्त्याची डहाळी स्वच्छ धुऊन घ्या.
डहाळी एका स्वच्छ सुती कापडावर पसरून ठेवा आणि पंख्याखाली 10-15 मिनिटे वाळवा, जेणेकरून त्यातील ओलावा पूर्णपणे निघून जाईल. पाने पूर्णपणे सुकलेली असावीत.
मिश्रण तयार करणे:
एका भांड्यात तांदळाचे पीठ, बेसन, लाल तिखट, हळद, आमचूर पावडर (किंवा चाट मसाला) आणि मीठ एकत्र करा.
हे सर्व मसाले व्यवस्थित मिसळून घ्या.
मिक्सिंग आणि फ्रायिंग:
सुकलेली कढीपत्त्याची पाने या मसाल्याच्या मिश्रणात टाका.
पाने हलक्या हाताने टॉस करा, जेणेकरून मसाला प्रत्येक पानाला व्यवस्थित लागेल.
एका कढईत 2 मोठे चमचे तेल गरम करा (खूप जास्त तेल नको).
कुरकुरीत करणे:
मध्यम आचेवर कढीपत्त्याची डहाळी तेलात टाका. तेल खूप गरम नसावे.
पाने हळूवारपणे फ्राय करा आणि सतत ढवळत राहा.
पाने साधारण 2 ते 3 मिनिटांत गडद हिरवी आणि पूर्णपणे कुरकुरीत होतील.
गॅस बंद करा आणि तेल निथळून पाने बाहेर काढा.
सर्व्हिंग:
कुरकुरीत कढीपत्ता लगेच सर्व्ह करा किंवा थंड झाल्यावर हवाबंद डब्यात (Air Tight Container) साठवा.
पचन सुधारते: कढीपत्त्यामध्ये भरपूर प्रमाणात फायबर असते, जे पचनासाठी खूप चांगले आहे.
केसांसाठी उत्तम: कढीपत्ता केसांच्या आरोग्यासाठी आणि वाढीसाठी उत्तम मानला जातो.
तुम्ही तेलात तळण्याऐवजी १ चमचा तेल वापरून एअर फ्रायर किंवा मायक्रोवेव्ह मध्येही ही पाने कुरकुरीत करू शकता, ज्यामुळे ते आणखी आरोग्यदायी बनतील.
