पुढारी ऑनलाईन : लागीरं झालं जीमधील जिजीचं 'पव्हं', देवमाणूसमधील सरु आजीच्या 'शिव्या' आणि आता मन झालं बाजिंद मध्ये फुई आजी आलीय. मन झालं बाजिंद मधील फुई आजी आहे तरी कोण? आता ही फुई आजी काय गोंधळ घालणार पाहूया. जाणून घेऊया फुई आजीविषयी.
'राया तुझं ते फुसफुस दे की' असं म्हणणारी फुई आजीची चर्चा सध्या होत आहे. अभिनेत्री कल्पना सारंग यांनी फुई आजीची भूमिका साकारली आहे.
डॅम्बिस म्हातारी, शॉर्टफिल्म, आगरी सिंघम, झी मराठीवरील भागो मोहन प्यारे, इन्स्पेक्टर चिंगम, द परफेक्शनिस्टमधून कल्पना यांनी भूमिका साकारल्या. त्यांनी साकारलेल्या विविध भूमिका चांगल्या गाजल्या.
तिच्या सौंदर्याचं कौतुक केलं की, लाजणारी फुई आजी मात्र ठसकेबाज आहे. मालिकेतील तिचा गावरान ठसका सर्वांना भूरळ घालणारा आहे. गावरान पोशाख, गावरान बोलीमुळे प्रेक्षकांना तिचं अप्रुप वाटतंय.
तिचा राया नावाचा नातू आहे. मालिकेत रायाची भूमिका वैभव चव्हाण याने साकारली आहे. तर कृष्णाची भूमिका श्वेता खरातने साकारली आहे.
याशिवाय कल्याणी चौधरी, सैराट फेम तानाजी गळगुंडे आणि अरबाज शेख यासारखे कलाकार दिसणार आहे.
कल्पना सारंग यांना अनेक मराठी आणि हिंदी मालिकांमध्ये काम केलंय. याशिवाय त्यांनी चित्रपटांतदेखील अभिनय केलाय. त्याचबरोबर, मराठी आणि हिंदी नाटकांतूनही त्यांनी वेगवेगळ्या भूमिका साकारल्या आहेत.
'रायजिंग स्टार' या रिअ‍ॅलिटी शोच्या प्रोमोमध्ये कल्पना सारंग या बॉलिवूड अभिनेता रणवीर सिंगसोबत झळकल्या होत्या. त्यांनी अनेक जाहिरातीतदेखील काम केलंय.
इतकेच नाही तर काही रिअ‍ॅलिटी शोच्या प्रोमोमध्ये देखील त्या झळकल्या आहेत. अनेक जाहिरातीतही त्या दिसल्या आहेत.
एक नवी कथा, एक नवी मालिका. ?नव्या प्रेमाची नवी कथा..?, ?प्रेमाचा रंग बदलणार..?, ?राया ? कृष्णा?… ही मालिका पाहायला मिळणार आहे. आता ठसकेबाज फुई आजी काय धम्माल करते पाहूया.
हेही वाचलं का ?
