मंत्रालयात ‘भारत माता की जय’चा नारा

मुंबई पुढारी वृत्तसेवा : आज मंत्रालयाच्या त्रिमूर्ती प्रांगणात 'हर घर तिरंगा' अभियानानिमित्त आयोजित कार्यक्रमात मुख्यमंत्री एकनाथ शिंदे यांच्यासमवेत तिरंग्यासह सेल्फी काढून घेण्यासाठी एकच गर्दी उसळली होती. मंत्रालयातील अधिकारी तसेच समस्त कर्मचाऱ्यांनी मुख्यमंत्र्यांना अक्षरशः जणू घेरावच टाकला होता. प्रत्येकाला मुख्यमंत्र्यांसमवेत तिरंगा ध्वज घेऊन सेल्फी काढायची होती. मुख्यमंत्री देखील सर्वांच्या इच्छेला मान देत, प्रत्येकाजवळ थांबत सेल्फी काढत होते. यावेळी त्रिमूर्ती प्रांगणातले सगळे वातावरण तिरंगामय झाले होते. 'भारत माता की जय' आणि 'जय हिंद' अशा घोषणांनी मंत्रालय दणाणून गेले होते.

हेही वाचा

• राजकीय पक्षांच्या मोफतच्या योजनांमुळे अर्थव्यवस्थेचा विनाश : सुप्रीम कोर्टाची टिप्पणी
• मराठा विद्यार्थ्यांना ईडब्ल्यूएस प्रमाणपत्र देण्याबाबत टाळाटाळ; अशोक चव्हाण यांची मुख्यमंत्र्यांकडे तक्रार
• मुख्यमंत्री एकनाथ शिंदे आज दरेगावी मुक्कामी