WPL 2024 : महिला प्रीमियर लीग आजपासून

बंगळूर : महिला प्रीमियर लीगचा दुसरा हंगाम आज (23 फेब्रुवारी) पासून खेळवला जाणार आहे. डब्ल्यूपीएल 2024 ची सुरुवात गतविजेत्या मुंबई इंडियन्स आणि गेल्या हंगामातील उपविजेते दिल्ली कॅपिटल्स यांच्यातील चुरशीच्या सामन्याने होईल. या दोन संघांमध्ये डब्ल्यूपीएल लीगच्या पहिल्या सत्राचा अंतिम सामनाही खेळला गेला होता. आता पुन्हा एकदा हे दोन बलाढ्य संघ आमने-सामने येणार आहेत. हा सामना बंगळूरच्या चिन्नास्वामी स्टेडियमवर होणार आहे. हा सामना संध्याकाळी 7.30 वाजता सुरू होईल. (WPL 2024)

उद्घाटन सोहळ्याला बॉलीवूड अभिनेते लावणार चार चॉंद

वुमन्स प्रीमियर लीगच्या उद्घाटन सोहळ्यात शाहरुख खानसह अनेक चित्रपट तारे चमकणार आहेत. अभिनेता शाहिद कपूर, वरुण धवन, कार्तिक आर्यन आणि टायगर श्रॉफ बंगळुरूच्या चिन्नास्वामी स्टेडियममध्ये उद्घाटन समारंभात प्रेक्षकांचे मनोरंजन करणार आहेत.

हेही वाचा :

• सीपीआरची खरेदी अन् मलईदार बोके : दहा कोटींची पीपीई किटस् मुदतबाह्य
• नाशिक : जिल्ह्यातील पाणी कपातीवर आज निर्णय
• Onion Export News | ५४ हजार टन कांदा निर्यातीस परवानगी