- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- उत्तर महाराष्ट्रउत्तर महाराष्ट्र
- विदर्भविदर्भ
पुढारी ऑनलाईन डेस्‍क : इंडियन प्रीमियर लीग ( IPL 2023 ) स्‍पर्धेत सोमवारी ( दि.१) लखनौ सुपर जायंट्स (एलएसजी) आणि रॉयल चॅलेंजर्स बंगलोर (आरसीबी) या संघांमध्‍ये झालेला सामना अनेक कारणांनी चर्चेत राहिला. या सामन्‍यानंतर विराट कोहली आणि गौतम गंभीर ( Kohli vs Gambhir ) यांच्‍यात जोरदार शाब्दिक बाचाबाची झाली. यावेळी अमित मिश्रासह इतर खेळाडूंनी मध्‍यस्‍थी करत हा वाद थांवला होता. या प्रकारानंतर विराट कोहलीने आपल्‍या सोशल मीडिया हँडलवर एक cryptic पोस्ट टाकली आहे. ही पोस्ट सोशल मीडियावर व्‍हायरल होत आहे.
सोमवारी सामना सुरु असताना लखनौचा खेळाडू नवीन-उल-हक याच्‍याबरोबर विराट काेहलीचा वाद झाला होता. सामना संपल्‍यानंतर विराट आणि गंभीर यांच्‍यात वाद झाला. याप्रकरणाची आयपीएल व्‍यवस्‍थापनाने गंभीर दखल घेतली. दोघांच्‍याही या सामन्‍यातील मानधनावर १०० टक्के दंड ठोठावण्यात आला आहे. दरम्यान, कोहलीने त्याच्या सोशल मीडिया हँडलवर एक cryptic पोस्ट टाकली. यामध्‍ये त्‍याने माजी रोमन सम्राट मार्कस ऑरेलियसचे विधान वापरले आहे.
विराट काेहलीने आपल्‍या पोस्‍टमध्‍ये म्‍हटलं आहे की,"आपण जे काही ऐकतो ते एक मत आहे, तथ्य नाही. आपण जे काही पाहतो ते एक दृष्टीकोन आहे, सत्य नाही."
सोमवारी लखनौच्‍या मैदानावर घडलेल्‍या प्रकाराबाबत अनिल कुंबळे यांनी नाराजी व्‍यक्‍त केली आहे. दिग्गज क्रिकेटपटूं आणि खेळाडूंना एकमेकांबद्दल आदर राखवा, असे आवाहन त्‍यांनी केले आहे. क्रिकेट खेळताना आपल्‍या भावनांवर नियंत्रण ठेवणे आवश्यक आहे. तुम्हाला संभाषण करणे आवश्यक आहे; असे प्रकार अस्वीकार्य आहेत. काहीही असो, तुम्हाला विरोधकांचा आदर करावाच लागेल. तुम्ही खेळाचा आदर केला पाहिजे," असेही कुंबळे यांनी स्‍पष्‍ट केले आहे.
हेही वाचा :
