मुंबई, वृत्तसंस्था : महिला प्रीमियर लीगच्या 17 वा सामना यूपी वॉरियर्स आणि गुजरात जायंट्स यांच्यात खेळला गेला. शेवटच्या षटकापर्यंत रंगलेल्या या थरारक सामन्यात यूपी वॉरियर्सने गुजरात जायंट्सचा तीन गडी राखून पराभव केला. या विजयासह यूपी संघाने प्ले ऑफमधील आपले स्थान पक्के केले आहे. मुंबई इंडियन्स आणि दिल्ली कॅपिटल्सचे संघ आधीच प्ले ऑफसाठी पात्र ठरले आहेत.
यूपी वॉरियर्स या विजयासह गुजरात जायंट्ससह रॉयल चॅलेंजर्स बेेंगलोरला स्पर्धेतून बाहेर बाहेर काढले आहे. यूपीचे सात सामन्यांतून आठ गुण झाले आहेत. त्याचबरोबर गुजरातचे आठही सामन्यांतून सहा गुण आहेत. आरसीबीचे सध्या सात सामन्यांनंतर चार गुण आहेत. संघाने शेवटचा सामना जिंकला तरी तो जास्तीत जास्त सहा गुण मिळवू शकेल आणि यूपीशी बरोबरी करू शकणार नाही.
नाणेफेक जिंकून प्रथम फलंदाजी करताना गुजरातने 20 षटकांत 6 गडी गमावून 178 धावा केल्या. दयालन हेमलताने 33 चेंडूंत 57 धावा केल्या तर अॅशले गार्डनरने 39 चेंडूंत 60 धावा केल्या.
179 धावांच्या लक्ष्याचा पाठलाग करताना संघाला पहिला धक्का दुसर्याच षटकात बसला जेव्हा कर्णधार अॅलिसा हिली 12 धावांवर बाद झाली. दुसरी विकेट किरण नवगिरेच्या रूपाने पडली, ती फक्त 4 धावा करू शकली. तिसरी विकेट यूपीच्या देविका वैद्यच्या रूपाने पडली, ज्याने 7 धावा केल्या. यूपीचे पुनरागमन ताहलिया मॅकग्रा आणि ग्रेस हॅरिस यांच्या नेतृत्वाखाली झाले.
ताहलिया मॅकग्राने 34 चेंडूंत आपले अर्धशतक पूर्ण केले. यादरम्यान त्याने 10 चौकार मारले, यावरून ती फलंदाज म्हणून किती धोकादायक आहे हे दिसून आले. 38 चेंडूत 57 धावा करून मॅकग्राला अॅशले गार्डनरने बाद केले. संघाला पाचवा झटका दीप्ती शर्माच्या रूपाने बसला, ज्याला 6 धावा करता आल्या. ग्रेस हॅरिसने 72 धावांची धडाकेबाज खेळी केली.
हेही वाचा…