पुढारी ऑनलाईन डेस्क : युक्रेनने रशियन प्रदेशावर हल्ले करण्यास सुरुवात केली आहे. गेल्या काही आठवड्यांमध्ये युक्रेनकडून रशियावर केल्या जाणाऱ्या हल्ल्यांचे प्रमाण वाढले आहे. मॉस्कोजवळ एका रात्रीत युक्रेनचे ७ ड्रोन पाडले असल्याची माहिती रशियाने दिली आहे. युक्रेनच्या ड्रोन हल्ल्यांना रशियाने जोरदार प्रत्युत्तर दिले आहे. मास्को युद्धाचा सामना करण्यासाठी केव्हाही तयार असते. परंतु, युक्रेनियन अधिकारी नेहमीच इतके धाडसी नसतात, असे झेलेन्स्कीचे सल्लागार मायखाइलो पोडोल्याक यांनी मंगळवारी (दि.३) म्हटले आहे. (Ukraine's drone attack on Russia)
३ मे रोजी, जेव्हा सोशल मीडियावर क्रेमलिनच्या एका भागावर चमकदार फ्लॅश आणि धुराचे लोट दिसत असलेला व्हिडिओ दिसला तेव्हा कीवने जबाबदारी नाकारली. कीवमधून रात्रभर ड्रोन हल्ले करुन रशियाचे अध्यक्ष व्लादिमीर पुतीन यांना ठार मारण्याचा प्रयत्न केला, असे रशियाने म्हटले आहे. (Ukraine's drone attack on Russia)
युक्रेनचे प्रवक्ते सेर्गी नायकीफोरोव्ह म्हणाले, "युक्रेनचे अध्यक्ष झेलेन्स्की यांनी यापूर्वी अनेकदा म्हटल्याप्रमाणे, युक्रेन स्वतःचा प्रदेश मुक्त करण्यासाठी सर्व मार्ग वापरतो, इतरांवर हल्ला करण्यासाठी नाही," (Ukraine's drone attack on Russia)
युक्रेनने रशियाच्या काही भागांवर हल्ला केला असावा, असा दावा अमेरिकेच्या गुप्तचरांनी केला होता. मात्र, कीवने या हल्ल्याची कोणतीही जबाबदारी घेतलेली नाही. पण आता डावपेच आणि वक्तृत्वातही बदल झाला आहे. अलिकडच्या आठवड्यात युक्रेनच्या हालचालींमध्ये वाढ झाली आहे, त्याचप्रमाणे मॉस्कोसह – रशियन भूभागावरही त्यांनी हल्ले केले आहेत. क्रेमलिनने कीववर ड्रोनसह मॉस्कोला लक्ष्य केल्याचा आरोप होता. यानंतर युक्रेनचे अध्यक्ष व्लादिमीर झेलेन्स्की यांनी रविवारी सांगितले की, युद्ध रशियाला पुन्हा एकदा युद्धाचा सामना करावा लागणार आहे. (Ukraine's drone attack on Russia)
