पुढारी ऑनलाईन डेस्क : टीव्ही अभिनेत्री तुनिषा शर्माच्या पार्थिवावर गोडदेव स्मशानघाट येथे अंत्यसंस्कार करण्यात आले. तुनिषाच्या मामाने मुखाग्नी दिली. (Tunisha Sharma Last Rites) ज्या रुग्णवाहिकेतून तुनिषाचे पार्थिव स्मशानभूमीत आणण्यात आले आहे, त्या रुग्णवाहिकेला फुलांच्या माळांनी सजवले होते. गाडीच्या पुढे तुनिषाचा फोटोदेखील लावण्यात आला होता. अंत्यसंस्कारावेळी शीझानची आई आणि बहिण उपस्थित होती. यावेळी दोघी रडताना दिसल्या. दरम्यान, अंत्यसंस्कारावेळी तुनिषाची आई वनिता शर्मा बेशुद्ध झाल्या होत्या. (Tunisha Sharma Last Rites)
तुनिषा शर्मा प्रकरणी अटकेत असलेला अभिनेता शीझान खानच्या वकिलाने स्टेटमेंट जारी केलं आहे. त्यामध्ये म्हटलं आहे की, तुनिषा आणि शीझान एकमेकांपासून वेगळे झाले होते. याचा ठोस पुरावा आहे.
तुनिषाचा मित्र आणि तिचा माजी सहकलाकार कंवर ढिल्लों तिच्या घरी संवेदना व्यक्त करण्यासाठी पोहोचला होता. त्याने त्याच्या सोशल मीडिय़ा अकाऊंटवर एक भावूक पोस्ट शेअर केली आहे.
(videos-manav. manglani and viralbhayani instagram वरून साभार)
