आग्रा: पुढारी ऑनलाईन: मथुरा येथील श्री कृष्ण जन्मभूमी ट्रस्टने प्रथमच ईदगाहसह संपूर्ण जन्मस्थानावर दावा केला आहे. श्रीकृष्ण जन्मभूमी-शाही ईदगाह वादात शुक्रवारी ट्रस्टने दिवाणी न्यायाधीश वरिष्ठ विभागाच्या न्यायालयात ईदगाहसह संपूर्ण जन्मस्थानाच्या जमिनीवर दावा दाखल केला आहे. हा खटला न्यायालयाने मान्य केला आहे. ट्रस्टने ईदगाह बाजूच्या कथित कराराचा हवाला देत दावा दाखल केला आहे. (Mathura Temple Trust)
श्रीकृष्ण जन्मभूमी ट्रस्टच्या वतीने विश्वस्त विनोद कुमार बिंदल आणि ओमप्रकाश सिंघल यांनी हा दावा दाखल केला आहे. जन्मभूमीच्या वतीने वकील महेश चतुर्वेदी यांनी सांगितले की, न्यायालयाने दावा स्वीकारला आहे, परंतु हे प्रकरण जिल्हा न्यायाधीशांमार्फत अलाहाबाद उच्च न्यायालयात सुनावणीसाठी पाठवले जाईल. तेथे जन्मभूमी-शाही ईदगाह वादाशी संबंधित अन्य याचिकांसह या प्रकरणाचीही सुनावणी होऊ शकते.
ट्रस्टच्या वतीने अधिवक्ता महेश चतुर्वेदी म्हणाले की, ट्रस्टचा असा विश्वास आहे की ईदगाह पक्षाने आपल्या ताब्याचा दावा करण्यासाठी केलेला कथित करार (श्री कृष्ण जन्मस्थान सेवा संघ, आता श्री कृष्ण जन्मस्थान सेवा संस्थान म्हणून ओळखला जातो) द्वारे कधीही अधिकृत केलेला नाही. यासाठी ट्रस्ट, कोणत्याही तृतीय पक्षाशी करार करण्याचा अधिकार नाही.
श्रीकृष्ण जन्मभूमी ट्रस्टने देखभाल, स्वच्छता, देखभाल आदींची जबाबदारी श्री कृष्ण जन्मस्थान सेवा संघाकडे दिल्याचे प्रथमच जन्मभूमी ट्रस्टकडून स्पष्ट करण्यात आले आहे. कथितरित्या, सन 1968 मध्ये एक जमीन ताब्यात राहण्यासाठी शाही ईदगाह इंतेजामिया समितीसोबत करार करण्यात आला होता.
शाही ईदगाह मशिदीला लागूनच श्रीकृष्ण जन्मभूमी आहे. मंदिर परिसरामध्ये केशव देव मंदिर, गर्भगृह मंदिर आणि भागवत भवन यांचा समावेश आहे. मंदिराच्या बाजूला असलेली मशीद हटवावी आणि ती जमीन ट्रस्टला परत द्यावी, अशी मागणी याचिकाकर्त्यांनी केली आहे.
हेही वाचा
