हैदराबाद : तेलंगणाच्या मुख्यमंत्रिपदी रेवंत रेड्डी (Revanth Reddy) यांची निवड निश्चित झाली असून, ते आज (दि. ७) पद आणि गोपनीयतेची शपथ घेणार आहेत. याबद्दल खासदार राहुल गांधी (Rahul Gandhi) यांनी त्यांचे अभिनंदन केले आहे. नुकत्याच पार पडलेल्या पाच राज्यांच्या विधानसभा निवडणुकांत तेलंगणात सत्तारूढ भारतीय राष्ट्र समितीचा पाडाव करून काँग्रेसने विजय मिळवला. त्यानंतर नेतृत्वाचा प्रश्नही मार्गी लागला आहे. शपथविधी कार्यक्रमाला काँग्रेसच्या ज्येष्ठ नेत्या सोनिया गांधी उपस्थित राहणार आहेत. (Telangana CM Oath Ceremony)
