- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- नाशिक/उत्तर महाराष्ट्रनाशिक/उत्तर महाराष्ट्र
- विदर्भविदर्भ
टी -20 वर्ल्डकप आता अंतिम टप्‍प्‍यात आला आहे. बुधवारी इंग्‍लंडचा पराभव करत न्‍यूझीलंडच्‍या संघाने आपलं फायनलचे तिकिट पक्‍के केले. आज दुसर्‍या सेमिफायनलमध्‍ये ऑस्‍ट्रेलियाचा संघ पाकिस्‍तानशी ( PAK vs AUS ) दोन हात करणार आहे.
पाकिस्तान संघ पाचवेळा तर ऑस्‍ट्रेलियाचे संघाने चारवेळा सेमिफायनलमध्‍ये धडक मारली आहे. वर्ल्डकप स्‍पर्धेतील साखळी सामन्‍यांचा विचार करता दोन्‍ही संघ आतापर्यंत सहावेळा आमने-सामने आले आहेत. यातील तीन सामने पाकिस्‍तानने तर तीन ऑस्‍ट्रेलियाने जिंकले आहेत. मात्र एक विक्रम आजही आस्‍ट्रेलियाच्‍या नावावर कायम आहे.
आजपर्यंतच्‍या वर्ल्डकप स्‍पर्धेतील सेमिफायनलमध्‍ये ऑस्‍ट्रेलियाविरोधात पाकिस्‍तानचा संघ नेहमी पराभूतच झाला आहे. पाकिस्‍तानविरोधातील सेमिफायनलच्‍या सामन्‍यात ऑस्‍ट्रेलियाच्‍या संघ आजपर्यंत अजिंक्‍यच राहिला आहे. ॲरोन फिंचच्‍या नेतृत्‍वाखाली आज मैदानात उतरणार्‍या ऑस्‍ट्रेलियाचा संघ हा विक्रम अबाधित ठेवण्‍यासाठी प्रयत्‍न करेल.
यंदाच्‍या टी -20 वर्ल्डकप स्‍पर्धेत पाकिस्‍तानच्‍या संघाला चांगला सूर गवसला आहे. सर्व साखळी सामने या संघाने जिंकले आहेत. तर साखळीसामन्‍यांमध्‍ये ऑस्‍ट्रेलियाचा इंग्‍लंडने पराभव केला होता. तसेच पाकिस्तान संघाने दुबईच्‍या मैदानावरील मागील १५ सामन्‍यांमध्‍ये विजय मिळवला आहे. हाच विक्रम कायम ठेवण्‍यासाठी पाकिस्‍तानचा संघ प्रयत्‍नशील असेल.
डेव्‍हिड वॉर्नरला पुन्‍हा एकदा फॉर्म गवसल्‍यामुळे ऑस्‍ट्रेलियाचा संघ मजबूत आहे. वॉर्नर याने या स्‍पर्धेत आतापर्यंत १८७ धावा केल्‍या आहेत. त्‍याचबरोबर मिचेल मार्श याचीही फलंदाजी बहरली आहे. तर या स्‍पर्धेत पाकिस्‍तानचा कर्णधार बाबर आजम याच्‍या नावावर २६४ धावा आहेत. या स्‍पर्धेत ताे सर्वाधिक धावा करणारा फलंदाज ठरला आहे. मोहम्‍मद रिझवान यालाही सूर सापडला आहे. यामुळे दोघांमुळे पाकिस्‍तानचे पारडे जड असल्‍याचे मानले जात आहे. त्‍यामुळेच आज ऑस्‍ट्रेलियासमोर मोठे आव्‍हान असेल असे मानले जात आहे.
यंदाच्‍या टी -20 वर्ल्डकप स्‍पर्धेत नाणेफेक हाच विनिंग फॅक्‍टर ठरला आहे. आजही नाणेफेक जिंकणारा संघ प्रथम गोलंदाजी घेण्‍याची शक्‍यता आहे. या मैदानावर धावांचा पाढलाग करणार्‍या संघाने ११ पैकी १० सामने जिंकले आहेत. त्‍यामुळे आजही नाणेफेक महत्‍वपूर्ण ठरणार आहे.
