बारामती(पुणे); पुढारी वृत्तसेवा : दरवर्षी दिवाळी पाडव्याला राज्यभरातील पदाधिकारी, कार्यकर्त्यांना पवार कुटुंबिय बारामतीत गोविंदबागेत एकत्र भेटतात. यंदा बदललेल्या राजकीय समिकरणानंतरही पवार कुटुंबियांची दिवाळी एकत्रच साजरी होईल, असे खासदार सुप्रिया सुळे यांनी सांगितले. राजकीय मतभेद वेगळे असतात. कौटुंबिक जबाबदाऱ्या वेगळ्या असतात, असेही त्या म्हणाल्या. बारामती येथील माळावरच्या देवीच्या दर्शनासाठी त्या आल्याअसताना पत्रकारांशी बोलत होत्या.