पुणे; पुढारी वृत्तसेवा : फरासखाना आणि शिवाजीनगर पोलिस ठाण्याच्या हद्दीत राजरोस सुरू असलेल्या जुगार अड्डे लुटीचा प्रकार समोर आल्यानंतर काय लपवू, कोठे लपवू असे करत अखेर पोलिसांनी सात जणांच्या विरुद्ध जबरी चोरीचा गुन्हा दाखल केला. मात्र, त्या जुगार अड्ड्यांचा उल्लेख 'व्हिडीओ गेम सेंटर' असा करण्यात आला आहे. कदाचित तेथे व्हिडीओ गेम सेंटरच्या नावाखाली जुगार अड्डे सुरू असावेत; परंतु हे जुगार अड्डे कोणाच्या आशीर्वादाने चालू होते याचा शोध पोलिस आयुक्त घेतील का, हादेखील एक सवाल आहे.
