पुढारी ऑनलाईन डेस्क : नव्वदच्या दशकातील प्रेक्षकांना घायाळ करण्यापासून ते ओटीटीवर काम करण्याच्या इच्छेपर्यंत अभिनेत्री सोनम खान धमाकेदार पुनरागमन करण्यासाठी सज्ज झालीय. ऋषी कपूर, मिथुन चक्रवर्ती, जॅकी श्रॉफ, गोविंदा, संजय दत्त आणि चंकी पांडे यांसारख्या ख्यातनाम अभिनेत्यांसोबत तिने काम केलं. एक नव्हे तर तीन चित्रपटांमध्ये दिग्गज अभिनेते नसीरुद्दीन शाह यांच्याविरोधात तिने अनोखी भूमिका साकारली तसेच प्रोसेनजीत चॅटर्जी आणि चिरंजीवी सारख्या सुपरस्टार अभिनेत्यांसोबत तिने काम करून नव्वदीच्या काळात आपल्या अभिनयाने सगळ्यांची मने तिने जिंकली.
सोनम ९० च्या दशकातील अनेक ब्लॉकबस्टर चित्रपटांचा भाग झाली ज्यात अजूबा, त्रिदेव आणि विश्वात्मा यांचा समावेश आहे. सोनामचे चाहते तिला पुन्हा एकदा रुपेरी पडद्यावर बघण्यासाठी उत्सुक आहेत.
