पिंपळनेरला सागाच्या लाकडाची चोरटी वाहतूक पकडली

पिंपळनेर (ता.साक्री) : पुढारी वृत्तसेवा

आदिवासी पश्चिम पट्यातील वार्सा ते कळंबारी रस्त्यावरुन दुचाकींद्वारे होणारी सागच्या लाकडाची चोरटी वाहतूक वन विभागाच्या अधिकाऱ्यांनी पकडली. या कारवाईत सागाचे पाच नग जप्त करण्यात आले आहे.

• भारतातील सर्वात मोठ्या बाप्पांची संकष्टी चतुर्थीनिमित्त जळगावात प्राणप्रतिष्ठापना

वनविभागाचे अधिकारी शासकीय वाहनाने वार्सा ते कळंबारी रस्त्याने पेट्रोलिंग करत असताना त्यांना संशयित तीन दुचाकी सागवान लाकडाची वाहतूक करताना आढळले. त्यांची तपासणी केली असता दुचाकीस्वार सागचे कटसाईज पाच नग सोडून पसार झाल्याने मुद्देमाल जप्त करून काष्ट विक्री आगार पिंपळनेर येथे आणून जमा करण्यात आले. जप्त केलेले सागवान लाकूड ०.४४३ घ.मी. असल्याची माहिती वनविभागाच्या अधिकाऱ्यांनी दिली. ही कारवाई वनसंरक्षक, धुळे दि. वा. पगार, उपवनसंरक्षक नितीनकुमार सिंग, सहायक वन संरक्षक प्रादेशिक तथा विभागीय अधिकारी संजय पाटील यांच्या मार्गदर्शनाखाली पिंपळनेरचे वनपाल संदीप डांगर, शिरवाडेचे वनपाल आर. व्ही. पाटील, वनरक्षक अमोल पवार, देविदास देसाई, गुलाब बारीस, सुमित कुवर यांच्या पथकाने केली. दरम्यान वन व वन्यजीव तसेच अवैध वाहतूक लाकूड संबधित कुठलाही गैरप्रकार निदर्शनास आल्यास तत्काळ टोल फ्री नंबर १९२६ वर संपर्क करण्याचे आवाहन म. वनक्षेत्रपाल पिंपळनेर प्रा. धुळे वनविभाग धुळे यांच्यातर्फे करण्यात आले आहे.

हेही वाचा:

• डॉ. मनमोहन सिंगांनी राज्यसभेतील जागा बदलली ! 'या' कारणामुळे घेतला निर्णय
• नाशिक : धारदार हत्यारे बाळगणारे दोघे जेरबंद
• Mohammed Shami : शमीचा अनोखा कारनामा, 'या' खास क्लबमध्ये समावेश