Asia Cup SL vs BAN : श्रीलंकेचे बांगलादेशसमोर २५८ धावांचे आव्हान

पुढारी ऑनलाईन डेस्क : सदिराच्या दमदार ९३ धावांच्या खेळीने आशिया चषक स्‍पर्धेतील सुपर ४ मध्ये श्रीलंकेने बांगलादेशसमोर २५८ धावांचे आव्हान उभे केले आहे. सुपर फोर मधील दुसरा सामना आज (दि.९) श्रीलंका आणि बांगलादेशमध्‍ये सुरु आहे. बांगलादेशने नाणेफेक जिंकत प्रथम गोलंदाजीचा निर्णय घेतला. श्रीलंकेने ५० षटकानंतर  ९ गडी गमावत २५७ धावा केल्या.

श्रीलंकेकडून, पथुम निसंका ६० चेंडूमध्ये ४०, कुसल मेंडिस ७३ चेंडूमध्ये ५०, सदिराने ७२ चेंडूमध्ये ९३ तर दसुन शनाकाने ३२ चेंडूमध्ये २४ धावांची खेळी केली. सदिराच्या आक्रमक खेळीच्या जोरावर श्रीलंकेला २५० धावांचा टप्पा पार केला. बांगलादेशकडून तस्किन अहमद आणि हसन महमुदने प्रत्येकी ३ तर शोरुफल इस्लामने २ विकेट्स पटकावल्या.

हेही वाचा :

• पाहुण्यांपासून भारताची वास्तविकता लपवण्याची गरज नाही : राहुल गांधींचा केंद्रावर हल्लाबाेल
• खारेपाटण-तावडे वाडी येथे भूस्खलन; डोंगर भागातील ६ कुटुंबासह ३३ जणांचे स्थलांतरित