नवी दिल्ली; वृत्तसंस्था : एक डिसेंबरपासून मोबाईल सीमकार्डच्या विक्रीसाठीच्या नियमावलीत बदल होणार आहे. सीमकार्डमधील गैरप्रकार आणि बनावटगिरीला चाप लावण्यासाठी नियमावलीत बदल केला जाणार आहे. (SIM Card Rule)
सीमकार्डच्या नियमावलीत बदल करण्यासाठी सरकारने याआधी एक ऑक्टोबरची डेडलाईन दिली होती. त्यानंतर सरकारकडून ही मुदत पुन्हा एक डिसेंबरपर्यंत वाढविण्यात आली. सीमकार्डच्या खरेदी आणि विक्रीवरील नवीन नियमावलीची अंमलबजावणी केंद्रीय दूरसंचार मंत्रालयाकडून 1 डिसेंबरपासून देशभरात करण्यात येणार आहे. बनावट सीमकार्ड आढळल्यास यापुढे कठोर कारवाई करण्यात येणार असून यामध्ये दंडात्मक कारवाईसह तुरुंगवासाची शिक्षा ठोठावण्यात येणार आहे. आपण सीमकार्ड खरेदी करणार असाल तर आपणास नव्या नियमावलीची माहिती असायला हवी. (SIM Card Rule)
हेही वाचा :
