- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- नाशिक/उत्तर महाराष्ट्रनाशिक/उत्तर महाराष्ट्र
- विदर्भविदर्भ
पुढारी ऑनलाईन डेस्क : शेतकऱ्यांनी आज (दि.१६) भारत बंदची घोषणा केली होती. मात्र, संपूर्ण देशात त्याचा कोणताही परिणाम दिसून आला नाही. दिल्ली-एनसीआरमध्ये दुकाने आणि व्यावसायिक-शैक्षणिक संस्था पूर्णपणे खुल्या राहिल्या आणि कामकाज पूर्ववत सुरू होते. देशातील सर्वात मोठी राज्ये उत्तर प्रदेश, मध्य प्रदेश आणि राजस्थानमध्येही बंदचा प्रभाव दिसून आला नाही. देशातील मोठ्या शेतकरी संघटना आणि नेत्यांनी आंदोलनाकडे पाठ केल्याने बंदला प्रतिसाद मिळाला नसल्याचे सांगितले जात आहे. Bharat Bandh
शेतकऱ्यांच्या या आंदोलनाप्रती सामान्य माणसाची सहानुभूती नसल्यामुळेही भारत बंद अयशस्वी होण्यात महत्त्वाची भूमिका होती. संपूर्ण देशातील सर्वात मोठी व्यापाऱ्यांची संघटना असलेल्या कॅटने या आंदोलनात सहभागी न होण्याचे एक दिवस आधीच जाहीर केले होते. आंदोलन तटस्थ करण्यासाठी ही घोषणाही महत्त्वाची मानली जात आहे. याच्या एक दिवस आधी शेतकऱ्यांच्या रेल रोको आंदोलनालाही यश मिळाले नव्हते. Bharat Bandh
शेतकऱ्यांचा प्रभाव असलेल्या पंजाब आणि हरियाणातील काही भागात भारत बंदचा मर्यादित परिणाम दिसून आला आहे. अनेक बाजारपेठांमध्ये दुकाने बंद होती, तर व्यावसायिक आणि सरकारी संस्थाही बंद होत्या. शेतकरी आंदोलनात पंजाबमधील शेतकऱ्यांचा सर्वाधिक सहभाग असल्याने त्यांच्या प्रभावाखाली असलेल्या भागात बंदचा संमिश्र परिणाम झाला आहे.
संपूर्ण देशातील शेतकरी आणि मजूर त्यांच्यासोबत असल्याचा दावा शेतकरी करत असताना, हरियाणातील काही भागात शेतकरी विरोधी आंदोलन रॅलीही काढण्यात आल्या. रॅलीत सहभागी तरुणांनी सांगितले की, काही शेतकरी नेते केवळ राजकारण दाखवण्यासाठी वारंवार रस्त्यावर उतरून आंदोलन करत आहेत. त्यामुळे शेतकऱ्यांसह सर्वसामान्यांचेही नुकसान होत असून जनजीवन विस्कळीत होत आहे.
उत्तर प्रदेश पोलिस भरती परीक्षेत अनेक लाख तरुण बसण्याची शक्यता आहे. आंदोलन आणि भारत बंदमुळे आपले भवितव्य पणाला लागल्याचेही या तरुणांचे म्हणणे आहे. शेतकऱ्यांनी वारंवार आंदोलन करण्यापेक्षा सरकारशी बोलून निवडणुकांमध्ये सरकारवर दबाव टाकण्याचे धोरण अवलंबले पाहिजे. बंदमुळे परीक्षा केंद्रावर पोहोचण्यापासून उशीर झाल्यास त्यांचे नुकसान होण्याची भिती आहे.
भारत बंद अयशस्वी झाला असला तरी शेतकऱ्यांच्या आंदोलनामुळे दिल्ली-एनसीआर भागातील लोकांना मोठ्या प्रमाणात वाहतूक कोंडीचा सामना करावा लागत आहे. शुक्रवारी सकाळीही गाझीपूर यूपी गेट बॉर्डरवर अनेक किलोमीटर लांब वाहनांची रांग लागल्याने वाहतूक कोंडी झाली होती. त्यामुळे लोकांना ये-जा करताना मोठ्या अडचणींचा सामना करावा लागला. त्याचप्रमाणे नोएडा ते दिल्ली या मार्गांवर कालिंदीकुंज बॉर्डर, बदरपूर आणि वजिराबाद येथेही मोठ्या प्रमाणात वाहतूक कोंडी दिसून आली.
हेही वाचा
