पुणे अपघात : ट्रकने दुचाकीस्वाराला चिरडल्याने पती-पत्नी जागीच ठार

बारामती – पाटस रस्त्यावर सोनवडी सुपे फाट्यावर भरधाव ट्रकने दुचाकीवरील दोघांना चिरडले. या अपघातात दुचाकीवरील पती – पत्नी जागीच ठार झाले. ही घटना आज (गुरुवार) सकाळी सव्वा अकरा वाजण्याच्या दरम्यान घडली. या अपघातात काळूराम गणपत लोंढे (वय 60), शाकूबाई काळूराम लोंढे (वय 55) (रा. देऊळगाव रसाळ ता. बारामती) दुर्दैवी मरण पावलेल्या पती-पत्नीचे नाव आहे.

• मुंबई : पवईच्या साकी विहार रोडवर ह्युदाईच्या सर्व्हिस सेंटरला भीषण आग; कोट्यवधींच्या गाड्या जळून खाक

याबाबत मिळालेली अधिक माहिती अशी की, आज सकाळी सव्वा अकरा वाजण्याच्या दरम्यान माल ट्रक (क्रमांक एम. एच. १८ बी.जी. ०८१४ ) हा पाटसकडून बारामतीकडे भरधाव वेगाने निघाला होता. याचवेळी सोनवडी सुपे फाट्यावर दुचाकी स्पेलंडर क्रमांक (एम. एच ४२ बी. सी. ८२३४ ) बारामतीच्या दिशेने निघाली होती. यावेळी माल ट्रकचालकाचे नियंत्रण सुटल्याने ट्रकने दुचाकीस्वाराला चिरडले. आपघातानंतर ट्रकचा चालक व क्विनर पळून गेले. या अपघातात मालाने भरलेल्या ट्रकखाली दुचाकी आणि पती- पत्नी दोघेही अडकल्याने स्थानिक ग्रामस्थ व पोलिस मित्रांनी त्यांना बाहेर काढण्याचा प्रयत्न केला.

• गुजरातमध्ये १२० कोटींचे ड्रग्ज जप्त; द्वारका येथे पुन्हा कारवाई

मात्र, ट्रकमध्ये माल असल्याने आणि ट्रक चारीत अडकल्याने जाग्यावरुन हलू शकला नाही. त्यामुळे स्थानिक ग्रामस्थांच्या प्रयत्नांना अपयश आले. त्यामुळे ग्रामस्थांनी पोलिसांनी कळविल्यानंतर काही वेळातच तालुका पोलिस घटनास्थळावर दाखल झाले. पोलिसांनी क्रेनच्या साह्याने मृतदेह बाहेर काढले. अपघातानंतर परिसरातील लोकांनी घटनास्थळावर गर्दी केली होती. पुढील तपास बारामती तालुका पोलीसचे सहाय्यक फौजदार योगेश लंगुटे करत आहेत.

• हायकोर्टाने विचारले, मशिदींवर भोंग्यांना कुठल्या कायद्याखाली परवानगी

व्हिडिओ पहा : मुंबईत मराठी आवाज बाळासाहेबांनी बुलंद केला | बाळासाहेब ठाकरे पुण्यतिथी विशेष

https://youtu.be/V3tsX40mThI