Mumbai-Goa highway : मुंबई-गोवा महामार्गावर गेल्या 21 तासापासून वाहतूक ठप्प

पुढारी ऑनलाईन वृत्तसेवा : मुंबई गोवा महामार्गवर गॅस गळती दुर्घटनेनंतर बंद करण्यात आलेली वाहतूक 21 तासानंतरही ठप्प आहे. मुंबई-गोवा महामार्गावरील अंजनारी (ता. लांजा, जि. रत्नागिरी) येथील पुलावरून भारत पेट्रोलियमचा गॅस टँकर नदीत कोसळला. त्यामुळे टँकरमधून गॅस गळती सुरू झाली. घटनेमुळे महामार्गावरील सर्व वाहतूक बंद करण्यात आली होती. अद्यापही या मार्गावरील ( Mumbai-Goa highway ) वाहतूक ठप्प आहे.

सविस्तर माहिती अशी की, मुंबई-गोवा महामार्गावरील अंजनारी (ता. लांजा, जि. रत्नागिरी) येथील पुलावरून भारत पेट्रोलियचा गॅस भरलेला टँकर नदीत कोसळला. या दुर्घटनेत चालकाचा जागीच पाण्यात बुडून मृत्यू झाला आहे. टँकर क्रमांक एमएच १२- एल टी- ६४८८ घरगुती गॅस घेऊन जयगडहून गोव्याच्या दिशेने चालला होता. अंजनारी येथील उतार उतरत असताना चालकाचा ताबा सुटल्याने टँकर नदीत कोसळला. त्यात चालक प्रमोद जाधव (रा. उस्मानाबाद) यांचा बुडून मृत्यू झाला. अपघात गुरुवारी दुपारी अडीचच्या सुमारास घडला. जगद्गुरु नरेंद्राचार्य महाराज संस्थानाच्या रुग्णवाहिकेने मृत चालकाला लांजा येथील ग्रामीण रुग्णालयामध्ये नेले.  गॅस गळतीमुळे  महामार्गावरील वाहतूक बंद करण्यात आली होती.

• Accident : मुंबई-गोवा महामार्गावर अपघात; गॅसचा टँकर नदीत कोसळल्याने चालक ठार

अपघाताची भीषणता मोठी आहे. टँकरचे तीन तुकडे तीन ठिकाणी पडले होते. टँकरचे टॅंक व इंजिन बॉडी असे दोन भाग झाले आहेत. पुलाचा कठडा तोडून तो खाली कोसळला आहे. तर पुलावरही काही भाग अडकला आहे.

हेही वाचलंत का?

• औरंगाबाद : २०२४ च्या लोकसभेत ४५ खासदार तर २०० वर आमदार निवडून येतील : चंद्रशेखर बावनकुळे
• पुणे : नवरात्रोत्सवात दांडियातून 35 कोटींची उलाढाल: इव्हेंट कंपन्यांकडून 200 कार्यक्रमांचे आयोजन
• Telecom Law : व्हॉट्स ॲपसह सर्व कॉलिंग आणि मेसेजिंग ॲप आणि ओटीटी सेवा लवकरच दूरसंचार कायद्याच्या कक्षेत
• सांगली : स्मार्ट एलईडी प्रकल्पाच्या बिल मसुद्याची मंजुरी रोखली; अटी, शर्तींच्या पूर्ततेनंतरच मंजुरी