मुंबई: पुढारी वृत्तसेवा : गेल्या वर्षी गंगुबाई काठीयावाडी हा चित्रपट सर्वत्र प्रदर्शित झाला होता. चित्रपटाची कथा आणि अलिया भटचा अभिनय पाहून हा चित्रपट लोकांचा चांगला पसंतीस उतरला होता. गंगुबाई काठीयावाडी मुंबईतल्या १४ कामठीपुरा येथील ज्या दारूवाला इमारतीत राहत होती ती इमारत काही दिवसांपूर्वी म्हाडा कार्यालयाने धोकादाय म्हणून घोषित केली ह्या इमारतीच्या पहिल्या मजल्यावर गंगुबाई यांचे एक स्मारकही उभारण्यात आले आहे. ह्या इमारतीच्या दुरुस्तीसाठी ३५ लाखांची गरज असताना अवघ्या साडेतीन लाख रुपयांमध्ये दुरुस्तीचे काम एका ठेकेदाराला दिल्यामुळे रहिवासी आणि दुकानदारांनी या दुरुस्तीला विरोध दर्शवला आहे.