राज ठाकरे दिल्लीत असल्यामुळे मनसे महायुतीचा भाग होणार असल्याचे समजते. सूत्रांनी दिलेल्या माहितीनुसार, यासंदर्भात चर्चा सुरू आहे. आज राज ठाकरे यांनी विनोद तावडेंची भेट घेतली. राज ठाकरेंना किमान दोन लोकसभेच्या जागा हव्या आहेत. आपल्या उमेदवारांनी मनसेच्या तिकिटावर निवडणूक लढवावी, अशी त्यांची इच्छा आहे. मात्र राज ठाकरे यांच्या उमेदवारांना कमळ या निवडणूक चिन्हावर लढवण्याचा भाजपचा प्रयत्न आहे. याचा फायदा होईल, ही भाजपची भूमिका आहे, असेही सूत्रांनी सांगितले. मनसे दक्षिण मुंबई आणि शिर्डीच्या जागांची मागणी करत असल्याचे समजते.
