पुढारी ऑनलाईन: भारतीय वंशाच्या तंत्रज्ञान उद्योजक नेहा नारखेडे यांची अमेरिकेतील सर्वात यशस्वी महिलांमध्ये गणना केली जाते. तंत्रज्ञानात जगातील सर्वात यशस्वी महिलांमध्ये नेहाची गणना होते. पुण्यात राहणाऱ्या नेहा नारखेडे यांना गेल्या महिन्यात फोर्ब्सने जाहीर केलेल्या अमेरिकेतील सर्वात श्रीमंत सेल्फ मेड महिलांच्या यादीत स्थान देण्यात आले आहे.
नेहा यांची एकूण संपत्ती 520 दशलक्ष डॉलर म्हणजे तब्बल 42 हजार कोटी रुपये असून त्या क्लाउड सेवा पुरवणारी सॉफ्टवेअर कंपनी- कॉन्फ्लुएंटची सहसंस्थापक आणि बोर्ड सदस्य आहे. कॉन्फ्लुएंटचे एकूण मूल्य 9.1 अब्ज डॉलर्स म्हणजे सुमारे 75 हजार कोटी रुपये आहे. या कंपनीत नेहा यांची 6% हिस्सेदारी आहे.
पुणेकर असलेल्या नेहा नारखेडे शहरात सुरूवातीचे शिक्षण घेल्यावर २००६ मध्ये मास्टर्स करण्यासाठी त्या अमेरिकेला गेल्या, जिथे त्यांनी दोन वर्षे ओरॅकलमध्ये तांत्रिक (टेक्निकल) स्टाफ म्हणून काम केले. यानंतर लिंक्डइनमध्ये सॉफ्टवेअर इंजिनीअर म्हणूनही अनुभव घेतला आणि येथे चमकदार कामगिरी करत त्यांनी केवळ एका वर्षात वरिष्ठ सॉफ्टवेअर अभियंता हे पद मिळवले.
यानंतर त्यांना वर्षभरासाठी प्रिन्सिपल सॉफ्टवेअर इंजिनीअर म्हणून देखील बढती मिळाली आणि एका वर्षानंतर त्या लिंक्डइनवर स्ट्रीम इन्फ्रास्ट्रक्चर लीड बनली. लिंक्डइनवर असताना नेहा आणि त्यांच्या टीमने Aapche Kafka, साइटचा डेटा हाताळण्यासाठी डिझाइन केलेली एक ओपन सोर्स मेसेजिंग सिस्टम विकसित केली. २०१४ मध्ये नेहा आणि तिच्या त्यांच्या लिंक्डइन सह कर्मचाऱ्यांनी नोकरी सोडली. एकत्र काहीतरी नवीन करण्याचा त्यांनी निर्धार केला.
त्या सर्वानी एकत्र येत कॉन्फ्लुएंट सुरू केले, जे एक क्लाउड सोल्यूशन्स प्रदाता असून वैयक्तिक कंपन्यांना मोठ्या प्रमाणात डेटावर प्रक्रिया करण्यास मदत करते. नेहा या पाच वर्षे कंपनीची मुख्य तंत्रज्ञान आणि उत्पादन अधिकारी होत्या. सध्या त्या कंपनीच्या संचालक मंडळाची सदस्य असून त्यानंतर नेहाने 2021 मध्ये सचिन कुलकर्णीसोबत कॉन्फ्लुएंटनंतर ऑसिलर सुरू केले. ही कंपनी एक फसवणूक शोधणारी कंपनी आहे, जी खाते संरक्षण, सामग्री अखंडता, त्वरित क्रेडिट निर्णय, पेमेंट संरक्षण, अंडररायटिंग आणि बरेच काही यासारखी फिचर प्रदान करते. त्यांनी यामध्ये जवळपास 160 कोटी रुपयांची गुंतवणूक केली आणि सध्या त्या कंपनीच्या सीईओ पदावर रूजू आहे.
हेही वाचा:
