पुढारी ऑनलाईन डेस्‍क : IPL 2024 साठी खेळाडूंचा लिलाव दुबईत होत आहे. या लिलावात सर्व 10 संघांची एकूण 262.95 कोटी रुपये आहेत आणि या पर्समधून जास्तीत जास्त 77 खेळाडू खरेदी करता येतील. गुजरातमध्ये सर्वाधिक 38.15 कोटी रुपये आणि लखनऊमध्ये सर्वात कमी 13.15 कोटी रुपये आहेत. ( IPL Auction unsold players )
ऑस्ट्रेलियन दिग्गज क्रिकेटपटू स्टीव्ह स्मिथ याच्‍यावर कोणीही बोली लावली नाही. त्याची मूळ किंमत २ कोटी रुपये होती. भारताचा अनुभवी क्रिकेटपटू मनीष पांडेची मूळ किंमत 50 लाख रुपये असूनही त्याला कोणीही पसंदी दिली नाही. त्‍याचबरोबर करुण नायरवर ५० लाखांची मूळ किंमत असूनही खरेदीदार मिळाला नाही. ( IPL Auction unsold players )
कोणत्‍याही संघाने खरेदी न केलेले खेळाडू पुढील प्रमाणे, कंसात देश : रिले रोसौ (दक्षिण आफ्रिका), फिलिप सॉल्ट (इंग्लंड), जोश इंग्लिस (इंग्लंड), कुसल मेंडिस (श्रीलंका), लॉकी फर्ग्युसन (न्यूझीलंड), जोश हेझलवूड (ऑस्ट्रेलिया), वकार सलामखेल (अफगाणिस्तान), आदिल रशीद (इंग्लंड), अकील हुसेन (वेस्ट इंडिज), ईश सोदी (न्यूझीलंड)
रोव्हमन पॉवेल : 1 कोटी रुपये मूळ किंमत असलेल्या रोमन पॉवेलसाठी कोलकाता आणि राजस्थान यांच्यात चुरशीची लढत झाली. अखेर राजस्थान संघाने त्याला ७.४ कोटी रुपयांना विकत घेतले आहे.
हॅरी ब्रूक: ब्रूकसाठी दिल्ली आणि राजस्थान यांच्यात बराच काळ संघर्ष झाला, ज्याची मूळ किंमत 2 कोटी रुपये होती आणि अखेरीस दिल्लीने त्याला 4 कोटी रुपयांना विकत घेतले.
चेन्नई आणि हैदराबादने ऑस्‍ट्रेलियाच्‍या ट्रॅव्हिस हेडवर 2 कोटी रुपयांची मूळ किंमत धरली. अखेर सनरायझर्स हैदराबादने त्याला ६.८ कोटी रुपयांना विकत घेतले. हेडने वर्ल्ड कप फायनलमध्ये शतक झळकावून ऑस्ट्रेलियाला चॅम्पियन बनवले.
हेही वाचा :
