फलटण येथे मद्यधुंद पोलीस अधिकाऱ्याने दोन बालकांना उडवले

साखरवाडी ; पुढारी वृत्तसेवा फलटण येथे शनिवारी रात्री मद्यधुंद अवस्‍थेतील एका पोलिस निरीक्षकाने बालकांना उडवले. या घटनेत जखमी झालेल्‍या बालकांना रूग्‍णालयात भरती करण्यात आले. यावेळी संतप्त जमावाने मद्यधुंद पोलिस निरीक्षकाला चोप दिला.

या विषयी अधिक माहिती अशी की, फलटण शहर पोलीस ठाण्यातून नुकतीच बदली झालेले पोलीस निरीक्षक दादासाहेब पवार यांनी काल (शनिवार) दि. 3 जून रोजी रात्री 11.30 वाजण्याच्या सुमारास फलटण शहरातील दत्तनगर येथे मद्यधुंद अवस्थेत बालकांना उडवले. या घटनेनंतर नागरिकांनी संशयिताला थांबले. यावेळी कारमध्ये दारू रेचत असल्याचे समोर आल्याने त्याला संतप्त जमावाने चोप दिला. यामुळे काहीकाळ तणावाचे वातावरण निर्माण झाले होते. दरम्यान, जखमी मुलांना रुग्णालयात हलवले असून, त्यांच्यावर उपचार सुरू आहेत.

हेही वाचा :  

• खुशखबर! बेरोजगार विद्यार्थ्यांना मिळणार भत्ता, 'या' राज्य सरकारचा आदेश जारी   
• कोल्‍हापूर : बांबवडे येथे बिबट्याची दुचाकीस्वारावर झडप; दाम्पत्यासह मुलगी बचावली 
• BJP TDP Alliance : अमित शहांचे चंद्राबाबू नायडूंसोबत विचारमंथन, भाजप-टीडीपीच्या युतीची दाट शक्यता