Maharashtra Budget : एसटी कर्मचाऱ्यांच्या वेतनासाठी ४ हजार १०७ कोटींची तरतूद

पुढारी ऑनलाईन : Maharashtra Budget : महाविकास आघाडी सरकारकडून राज्याचा अर्थसंकल्प राज्याचे अर्थमंत्री अजित पवार विधानसभेत सादर केला. काल विधिमंडळात २०२१-२०२२ चा आर्थिक पाहणी अहवाल सादर करण्यात आला. या अर्थसंकल्पात एसटी महामंडळाच्या कर्मचाऱ्यांसाठी ४ हजार १०७ कोटींची भरीव तरतूद करण्यात आली आहे.

महाराष्ट्रातील राज्य परिवहन महामंडळाची एस.टी. सेवा ग्रामीण व राज्य दुर्गम भागात राहणाऱ्या माणसाचा दळणवळणाचा मुख्य आधार आहे. या सेवेचे परिवहन महत्त्व आणि अपरिहार्यता लक्षात घेऊन मागील दोन वर्षांत शासनाने महामंडळास कर्मचाऱ्यांच्या वेतनासाठी ४ हजार १०७ कोटी रुपये आर्थिक तरतूद केल्याचे अजित पवार यांनी विधानसभेत अर्थसंकल्प सादर करताना सांगितले.

• Maruti Suzuki : मारुती सुझिकीच्या या नव्या ६ कार लवकरच होणार लॅान्च

महाराष्ट्र अर्थसहाय्य राज्य परिवहन महामंडळासाठी पर्यावरण पूरक ३ हजार नवीन बसगाड्या उपलब्ध करून देण्याचे नियोजन आहे. राज्य परिवहन महामंडळाच्या १०३ बसस्थानकांच्या आधुनिकीकरण, दर्जावाढ आणि पुनबांधणीसाठी राज्य शासनाकडून भांडवली अर्थसहाय्य उपलब्ध करून देण्याचे प्रस्तावित असल्याचे देखील त्यांनी यावेळी सांगितले.

• 'ई-श्रम'वर नोंदणी केल्यास २ लाखांचा अपघाती विमा, असे करा रजिस्ट्रेशन

तसेच सन २०२२-२३ या वर्षासाठी कार्यक्रम खर्चाकरिता परिवहन विभागाला ३ हजार ३ कोटी, बंदरे विकासासाठी ३५४ कोटी आणि नगरविकास विभागाला ८ हजार ८४१ कोटी रुपये नियतव्यय प्रस्तावित असल्याचे त्यांनी म्हटले आहे.

हेही वाचलंत का? 

• महाराष्ट्र अर्थसंकल्प : मुंबई विद्यापीठातील लता मंगेशकर संगीत विद्यालयासाठी १०० कोटी निधी
• पुण्यात भित्तीचित्रांतून नदी पुनरुज्जीवनाचा संदेश
• Web series : तुम्ही 'या' टॉप ६ वेब सीरीज पाहिल्या का?