digital payment : तीन वर्षांमध्ये डिजिटल व्यवहारांमध्ये ८८% वाढ

नवी दिल्ली ; पुढारी वृत्तसेवा : देशात गेल्या तीन वर्षांमध्ये डिजिटल व्यवहारांमध्ये ८८% वाढ झाल्याचे दिसून आले आहे. सरकारने केलेल्या उपाययोजनांमुळे डिजिटल व्यवहारांमध्ये आमूलाग्र बदल घडून आला, अशी माहिती केंद्रीय अर्थराज्यमंत्री डॉ.भागवत कराड यांनी राज्यसभेत एका प्रश्नाचे लेखी उत्तर देतांना दिली. (digital payment)

• अमृता फडणवीसांना विरोधी पक्षनेत्या बनवणार का? चंद्रकांत पाटलांवर मुंबईच्या महापौर भडकल्या

२०१८-१९ या आर्थिक वर्षात २ लाख ३२ हजार ६०२ कोटींचे डिजिटल व्यवहार झाले. २०१९-२० मध्ये हे प्रमाण ३ लाख ४० हजार २५ कोटींपर्यंत पोहचले.

तर,४ लाख ३७ हजार ४४५ कोटींचे डिजिटल व्यवहार २०२०-२१ मध्ये झाल्याचे डॉ.कराड म्हणाले.

digital payment : डिजिटल पेमेंटसाठी आवडता मंच

नॅशनल पेमेंट कॉर्पोरेशन ऑफ इंडियाने, प्रसिद्ध केलेल्या आकडेवारीनुसार, पैसे देण्यासाठीचा भारताचा स्वतःचा मंच 'यूपीआय'ला डिजिटल पेमेंटसाठी आवडता मंच म्हणून देशाने पसंती दिली.

वित्तीय वर्ष २०२०-२१ मध्ये २२ अब्जापेक्षा अधिक व्यवहार या मंचावर नोंदवला गेला.

• वडगाव बाजार समिती निवडणुकीत सेवा सोसायटी गटात ११ जागेवर सत्ताधारी विजयी, विरोधी महाविकास आघाडीचा धुव्वा

गत तीन वर्षांमध्ये यूपीआयमध्ये चौपट वाढ दिसून आली आहे.

शिवाय, वित्तीय वर्ष २०२०-२१ मध्ये 'आधार'आधारित अवलंबित पेमेंट प्रणालीने आंतर-बँक व्यवहारांमध्ये गेल्या चार वर्षांच्या तुलनेत नऊ पटींनी वाढ झाल्याचे डॉ.कराड म्हणाले.

• Allahabad High Court : वडिलांच्या संपत्तीवर मुलाचा दावा, हायकोर्टाने म्हटले, वडिलांच्या नाही तर तू तुझ्या स्वतःच्या घरात रहा!